ପାଣି ପଲିଟିକ୍ସ: ବୈଜୟନ୍ତ ପାଣି ଟାଙ୍କି ଉଦ୍‌ଘାଟନ ପୂର୍ବରୁ ଫଳକ ଭାଙ୍ଗିଲେ ବିରୋଧୀ ? ଖଳନାୟକ କିଏ

<p>କେନ୍ଦ୍ରାପଡ଼ା: ବିଜେଡି ଗୋଷ୍ଠୀର ବୈଜୟନ୍ତ ବିରୋଧୀ ଆଭିମୁଖ୍ୟକୁ ନେଇ ପୁଣି ସରଗରମ କେନ୍ଦ୍ରାପଡ଼ା ରାଜନୀତି । &nbsp;ବିରୋଧ ଭିତରେ ସାଂସଦ ବୈଜୟନ୍ତ ପଣ୍ଡା ଆଜି ମାର୍ଶାଘାଇରେ ଏକ ପାଣି ଟାଙ୍କିକୁ ଉଦ୍&zwnj;ଘାଟନ କରିଛନ୍ତି । ହେଲେ ଉଦ୍&zwnj;ଘାଟନର ଦୁଇଘଣ୍ଟା ପରେ ଫଳକକୁ ଭାଙ୍ଗି ଦେଇଛନ୍ତି ବିରୋଧୀ । ପ୍ରକଳ୍ପ ଉଦ୍&zwnj;ଘାଟନ ପୂର୍ବରୁ ବୈଜୟନ୍ତଙ୍କ ସମର୍ଥକଙ୍କୁ ମାରିପିଟ୍ କରାଯାଇଥିବା ମଧ୍ୟ ଅଭିଯୋଗ ହୋଇଛି । ତେବେ ଏହାକୁ ନେଇ ସାଂସଦ ବୈଜୟନ୍ତ ଆଜି ପୁଣି ବିଜେଡିରେ ଜଣେ ଅଫିସରଙ୍କ ପାଇଁ ବଢୁଥିବା ଗୁଣ୍ଡାଗିରି ଉପରକୁ ଆଙ୍ଗୁଳି ଉଠାଇଛନ୍ତି।</p> <p>ମାର୍ଶାଘାଇ ବ୍ଲକ୍ ପୁରୁଷୋତ୍ତମପୁରରେ ସାଂସଦ ପାଣ୍ଠିରେ ନିର୍ମିତ ପାଣି ଟାଙ୍କିକୁ ଆଜି ଉଦ୍&zwnj;ଘାଟନ କରିଥିଲେ ସାଂସଦ ବୈଜୟନ୍ତ ପଣ୍ଡା । ହେଲେ ତା ପୂର୍ବରୁ ଉଦ୍ଘାଟନୀ ଫଳକ ଲଗାଇବାକୁ ଯାଉଥିବା ଜଣେ ସମର୍ଥକଙ୍କୁ ମାଡ଼ ମରା ହୋଇଥିବା ବି ଅଭିଯୋଗ ହୋଇଥିଲା। ହେଲେ ଏସବୁ ସତ୍ତ୍ୱେ&nbsp; ପ୍ରକଳ୍ପ ଉଦ୍&zwnj;ଘାଟନ କରି ବୈଜୟନ୍ତ କହିଥିଲେ- ଆମ ବିଜେଡି ଆଗରୁ ଏମିତି ନଥିଲା। &nbsp;&nbsp;ଜଣେ ଅଫିସରଙ୍କ ପ୍ରଭାବରେ ଗତ ୩-୪ ବର୍ଷ ଧରି ଗୁଣ୍ଡାଗିରି ବଢିଛି। &nbsp;&nbsp;ସେପଟେ ଆସନ୍ତାକାଲି ସାଂସଦ ବୈଜୟନ୍ତଙ୍କ ଦ୍ୱାରା ଉଦ୍&zwnj;ଘାଟନୀ ଅପେକ୍ଷାରେ ଥିବା ଆଳି ବ୍ଲକ୍ ସଂସିଧାର ଏକ ପାନୀୟ ଜଳ ପ୍ରକଳ୍ପକୁ ବି ସ୍ଥାନୀୟ ବ୍ଲକ୍ ଅଧ୍ୟକ୍ଷା ଆଗୁଆ ଉଦ୍&zwnj;ଘାଟନ କରି ଦେଇଛନ୍ତି।</p> <p>ତେବେ ମାହାଙ୍ଗା ହେଉକି ସାଲେପୁର ଅବା ବୈଜୟନ୍ତଙ୍କ ସଂସଦୀୟ କ୍ଷେତ୍ରର ଅନ୍ୟସ୍ଥାନ ସବୁଠି ସାଂସଦ ପାଣ୍ଠିରେ ନିର୍ମିତ ଉନ୍ନୟନମୂଳକ ପ୍ରକଳ୍ପ ଉଦ୍&zwnj;ଘାଟନ ପୂର୍ବରୁ ବିବାଦ ସୃଷ୍ଟି କରୁଛନ୍ତି ସ୍ଥାନୀୟ କିଛି ବିଜେଡି ଗୋଷ୍ଠୀ। &nbsp;&nbsp;ଏପରିକି ଆଜି ପୁରୁଷୋତ୍ତମପୁରରେ ବୈଜୟନ୍ତ ଉଦ୍&zwnj;ଘାଟନ କରିଥିବା ପାଣି ଟାଙ୍କିକୁ ଗତ ଫେବ୍ରୁଆରୀ ୭ରେ ଅନଧିକୃତ ଭାବେ ଉଦ୍&zwnj;ଘାଟନ କରିଥିଲେ ମାର୍ଶାଘାଇ ବ୍ଲକ୍ ଅଧ୍ୟକ୍ଷା ସୀତାଲତା ପରିଡ଼ା । ତେବେ କାହା ଇଙ୍ଗିତରେ କେନ୍ଦ୍ରାପଡ଼ାରେ ସାଂସଦ ବୈଜୟନ୍ତଙ୍କୁ ଏ ବିରୋଧ । କହୁ କହୁ ଗୁମର ଖୋଲି ଦେଇଛନ୍ତି ମାର୍ଶାଘାଇ ବ୍ଲକ୍ ଅଧ୍ୟକ୍ଷା । କହିଛନ୍ତି ପୁରୁଷୋତ୍ତମପୁର ପାଣିଟାଙ୍କି ଉଦ୍&zwnj;ଘାଟନ ପାଇଁ ତାଙ୍କୁ ସ୍ଥାନୀୟ ବିଧାୟକ କହିଥିଲେ । ସେପଟେ ଏସଂପର୍କରେ ସ୍ଥାନୀୟ ବିଧାୟକ ଅତନୁ ସବ୍ୟସାଚୀ ପ୍ରତିକ୍ରିୟା ଦେବାକୁ ମନା କରିଛନ୍ତି।</p> <p>ଏଠି ପ୍ରଶ୍ନ ବୈଜୟନ୍ତ-ବିଜେଡି ଗୋଷ୍ଠୀର କଳି ଭିତରେ ନିନ୍ଦିତ ହେଉନି କି ଦଳ ? &nbsp;&nbsp;&nbsp;ଲୋକାଭିମୁଖୀ କାମରେ ବାଧା ଦେବା କେତେଦୂର ଠିକ୍ ? &nbsp;&nbsp;ବିଜେଡି ସୁପ୍ରିମୋ ଚୁପ୍ କାହିଁକି ? କାହିଁକି ଦଳକୁ ନିନ୍ଦିତ କରୁଥିବା ନେତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ପଛୋଉଛନ୍ତି ନବୀନ? ସ୍ଥାନୀୟ ବିଧାୟକ ନା ତୃତୀୟ ମହଲା ଅଫିସରଙ୍କ ପ୍ରରୋଚନାରେ ବିଜେଡିର କିଛି ଗୋଷ୍ଠୀ ଆପଣାଉଛନ୍ତି ଏଭଳି ଆଭିମୁଖ୍ୟ। &nbsp;&nbsp;ସେପଟେ ବୈଜୟନ୍ତ ଦଳରୁ କେବଳ ନିଲମ୍ବିତ ହୋଇଥିଲେ ବି ଜିଲ୍ଲା ପର୍ଯ୍ୟବେକ୍ଷ ପ୍ରମିଳା ମଲ୍ଲିକ କହିଛନ୍ତି ଦଳରୁ ଯିଏ ଗଲେ ସେ ତାଙ୍କ କଥା ବୁଝିବେ। ଏସବୁ ଭିତରେ ଏବେ ନଜର ବିଜେଡିର ଏ ଘର କଳି ଆଗକୁ କେଉଁ ମୋଡ଼ ନେଉଛି ।</p>