ସ୍ୱାମୀକୁ ମାରିବାକୁ ସୁପାରି ଦେଇଥିଲା ସ୍ତ୍ରୀ

<p>ବାଲେଶ୍ୱର (ଓଡ଼ିଶା ରିପୋର୍ଟର): ବାଲେଶ୍ୱର ଜିଲ୍ଲାରେ ଚାଞ୍ଚଲ୍ୟ। ସୁପାରି ଦେଇ ସ୍ୱାମୀକୁ ହତ୍ୟା କରାଇଛି ସ୍ତ୍ରୀ। ଘଟଣା ଘଟିଛି ସହଦେବ ଖୁଣ୍ଟା ଥାନା ଅଞ୍ଚଳରେ। ପୋଲିସ ମୁଖ୍ୟ ଅଭିଯୁକ୍ତ ବାସନ୍ତୀ ବେହେରା ଓ ଅନ୍ୟ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି।</p> <p>ସୂଚନା ଅନୁସାରେ ଗଣେଶ୍ୱରପୁରର ମାଧବ ବେହେରା ସବୁବେଳେ ନିଶା ଖାଇ ସ୍ତ୍ରୀ ବାସନ୍ତୀକୁ ମାନସିକ ଓ ଶାରୀରିକ ନିର୍ଯାତନା ଦେଉଥିଲେ। ଏଥିରେ ଅତିଷ୍ଠ ହୋଇ ସ୍ୱାମୀକୁ ସବୁ ଦିନ ପାଇଁ ରାସ୍ତାରୁ ହଟାଇ ଦେବାକୁ ଷଡ଼ଯନ୍ତ୍ର କରିଥିଲେ ପତ୍ନୀ ବାସନ୍ତୀ।&nbsp; ଏଥିରେ ସାମିଲ ହୋଇଥିଲେ ବାସନ୍ତୀର ଭିଣୋଇ ଭାଗିରଥୀ ଦାସ, ଆକାଶ ଦାସ ଓ ବାଞ୍ଛାନିଧି ଚଣ୍ଡ। ଏଥିପାଇଁ ୫୦ ହଜାର ଟଙ୍କାର ସୁପାରି ଦେଇଥିଲା ବାସନ୍ତୀ।</p> <p>ଗତ ୧୭ ତାରିଖରେ ଆକାଶ ଓ ବାଞ୍ଛାନିଧି ପ୍ରଥମେ ମାଧବକୁ ଡାକି ନେଇ ମାତ୍ରାଧିକ ମଦ ପିଆଇଥିଲେ। ତା&rsquo; ପରେ ପଥରରେ ଛେଚି ହତ୍ୟା କରିଥିଲେ।&nbsp; ତଦନ୍ତରୁ ପୋଲିସ&nbsp; ଜାଣିପାରିଥିଲା, ଏସବୁ ପଛରେ ବାସନ୍ତୀର ହିଁ ହାତ ଥିଲା।&nbsp; ସୁପାରି ଟଙ୍କାରେ କିଣା ଯାଇଥିବା ଏଲଇଡି ଟିଭି ମଧ୍ୟ ଜବତ ହୋଇଛି।</p> <p>&amp;nbsp;</p>