ମାତିଛନ୍ତି ହାତୀପଲ

ବାରିପଦା(ଓଡ଼ିଶା ରିପୋର୍ଟର) ମୟୂରଭଞ୍ଜ କରଞ୍ଜିଆରେ ମାତିଛନ୍ତି ହାତୀ ପଲ। ଝାଡ଼ଖଣ୍ଡରୁ ଆସିଥିବା ୨୪ ଟିକିଆ ହାତୀ ପଲ ଉତ୍ପାତ ଚଳାଇଛନ୍ତି । ଘରଦ୍ୱାର ଭାଙ୍ଗିବା ସହ ହାତୀ ପଲ ବ୍ୟାପକ ଅଞ୍ଚଳରେ ଫସଲ ନଷ୍ଟ କରୁଥିବା ଅଭିଯୋଗ ହୋଇଛି । ଅର୍ଜୁନବିଲା ଗାଁରେ ହାତୀପଲ ଗୋଟିଏ ଘର ଭାଙ୍ଗିବା ସହ ଘାଗୀ ଗାଁରେ ଦୁଇଟି ଘର ଭାଙ୍ଗିଛନ୍ତି ହାତୀ ପଲ। ଏଥିସହ ଧାନ ଓ ପନିପରିବା ଫସଲ ନଷ୍ଟ କରିଥିବା ଅଭିଯୋଗ ହୋଇଛି। ଏ ନେଇ ସ୍ଥାନୀୟ ଅଞ୍ଚଳରେ ଆତଙ୍କ ଖେଳିଯାଇଛି । ବନ ବିଭାଗ ତୁରନ୍ତ ହାତୀ ଘଉଡ଼ାଇବା ପାଇଁ ଲୋକେ ଦାବି କରିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।