ଚାଷୀଙ୍କ ଝଡ଼ ବର୍ଷାରେ ଧୋଇଯିବ କି ବିଧାନସଭା ଅଧିବେଶନ?

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଆସନ୍ତାକାଲିଠୁ ଆରମ୍ଭ ହେବ ବିଧାନସଭାର ଶୀତକାଳୀନ ଅଧିବେଶନ। ଏଥିପାଇଁ ରଣନୀତି ପ୍ରସ୍ତୁତ କରିଛନ୍ତି ଦୁଇ ବିରୋଧୀ ଦଳ। ଶାସକ ଦଳ ମଧ୍ୟ ପଛରେ ନାହିଁ। ବିରୋଧୀଙ୍କୁ କାଉଣ୍ଟର କରିବା ପାଇଁ ପ୍ରସ୍ତୁତ କରିଛି ସ୍ୱତନ୍ତ୍ରଣ ରଣନୀତି। ତେବେ ଚାଷ ଓ ଚାଷୀଙ୍କ ସମସ୍ୟାକୁ ନେଇ ବିଧାନସଭାରେ ଝଡ଼ ସୃଷ୍ଟି ହୋଇପାରେ।</p><p>&lt;span style=&quot;color: #ff0000;&quot;&gt;ବିଜେପି&lt;/span&gt;</p><p>ସରକାରଙ୍କୁ ଘେରିବା ପାଇଁ ବିଜେପି ବିଧାୟକ ଦଳ ବୈଠକ ବସିଥିଲା। ଏଥିରେ ସମସ୍ତ ବିଧାୟକ ଯୋଗଦେଇ ରଣନୀତି ପ୍ରସ୍ତୁତ କରିଥିଲେ। ବଜେଟ୍ ଲିକ୍ ନେଇ ସ୍ୱାଧୀକାର ଭଙ୍ଗ ନୋଟିସ୍ ଆଣିବା ଓ ମହାନଦୀ ପ୍ରସଙ୍ଗରେ ଶ୍ୱେତପତ୍ର ଆଣିବାକୁ ବୈଠକରେ ନିଷ୍ପତ୍ତି ହୋଇଛି।</p><p>&lt;span style=&quot;color: #ff0000;&quot;&gt;କଂଗ୍ରସ&lt;/span&gt;</p><p>ଆସନ୍ତାକାଲି ବସୁଥିବା ବିଧାନସଭା ଶୀଳକାଳୀନ ଅଧିବେଶ ପାଇଁ ଆଜି କଂଗ୍ରେସ ପକ୍ଷରୁ ରଣନୀତି ପ୍ରସ୍ତୁତ କରାଯାଇଛି। ବିରୋଧୀଦଳ ନେତା ନରସିଂହ ମିଶ୍ରଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ସମସ୍ତ ବିଧାୟକ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ। ଆସନ୍ତା ଅଧିବେଶନରେ କୃଷକ ଓ କୃଷି ସମସ୍ୟା, କୁନ୍ଦୁଲି ମାମଲାକୁ ନେଇ ଶାସନକ ଦଳକୁ ଘେରିବ କଂଗ୍ରେସ। ଏହାଛଡ଼ା ଧାନର ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି ନେଇ କେନ୍ଦ୍ର ସରକାର ଟାଳଟୁଳ ନୀତି ଅବଲମ୍ୱନ କରୁଥିବାରୁ ପ୍ରଧାନମନ୍ତ୍ରୀଙ୍କ ବିରୋଧରେ ନିନ୍ଦା ପ୍ରସ୍ତାବ ଆଣିବ କଂଗ୍ରେସ।</p><p>&lt;span style=&quot;color: #ff0000;&quot;&gt;ବିଜେଡି&lt;/span&gt;</p><p>ବିଜେପି ଓ କଂଗ୍ରେସକୁ କାଉଣ୍ଟର କରିବା ପାଇଁ ଶାସକ ବିଜେଡି ମଧ୍ୟ ରଣନୀତି ପ୍ରସ୍ତୁତ କରିଛି। ଦଳର ସୁପ୍ରିମୋ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ସମସ୍ତ ବିଧାୟକ ଉପସ୍ଥିତ ଥିଲେ। ଶୀତ ଅଧିବେଶନରେ ମହାନଦୀ ଜଳ ବିବାଦ, ପୋଲଭରମ୍ ପ୍ରକଳ୍ପ ଓ ଧାନର ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି ଦାବି ଆଦିକୁ ପ୍ରସଙ୍ଗ ଉପରେ ଆଲୋଚନା ହେବ। ବିରୋଧୀଙ୍କ ପକ୍ଷରୁ ଯେଉଁସବୁ ପ୍ରସଙ୍ଗ ଉଠିବ ତାକୁ କିଭଳି ସାମ୍ନା କରାଯିବ ସେ ନେଇ ମଧ୍ୟ ଦଳୀୟ ରଣନୀତି ପ୍ରସ୍ତୁତ କରିଛି।</p><p>&lt;span style=&quot;color: #ff0000;&quot;&gt;ସୁରକ୍ଷା ବ୍ୟବସ୍ଥା କଡ଼ାକଡ଼ି&lt;/span&gt;</p><p>ବିଧାନସଭାର ଶୀତ ଅଧିବେଶନ ପାଇଁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ଡିଜିପି ଓ ଅନ୍ୟ ଅଧିକାରୀମାନେ ସୁରକ୍ଷା ବ୍ୟବସ୍ଥାର ସମୀକ୍ଷା କରିଛନ୍ତି। ବିଧାନସଭା ଭିତରେ ଓ&nbsp; ବାହାରେ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି।&nbsp; ୨୮ଫ୍ଲାଟୁନ ପୋଲିସ ଫୋର୍ସ ସହିତ ୧୨୦ ଅଫିସର ନିୟୋଜିତ ହେବେ। ବିଭିନ୍ନ ସଂଗଠନ ପକ୍ଷରୁ ଲୋୟର ପିଏମଜିରେ ବିକ୍ଷୋଭ କରାଯାଉଥିବାରୁ ପୁରା ବିକ୍ଷୋଭସ୍ଥଳରେ ସିସିଟିଭି ଲଗାଯାଇଛି। ୱାଚ ଟାଓ୍ୱାର ସହିତ, ସ୍ୱତନ୍ତ୍ର କଣ୍ଟ୍ରୋଲରୁମ୍&zwnj; ବ୍ୟବସ୍ଥା କରାଯାଇଛି। କୌଣସି ଅପ୍ରୀତିକର ପରିସ୍ଥିତିକୁ ଏଡାଇବା ପାଇଁ କୁଇକ ଆକ୍ସନ ଟିମ୍ ନିୟୋଜିତ ରହିବେ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।