ସ୍ତ୍ରୀକୁ ପିଟି ପିଟି ମାରିଦେଲା ସ୍ୱାମୀ

ନୂଆପଡ଼ା (ମାୟାଧର ସରାଫ୍): ନୂଆପଡ଼ା ଜିଲ୍ଲା ବେଲଟୁକୁରି ଗାଁରେ ଏକ ହତ୍ୟାକାଣ୍ଡ ଘଟିଛି। ଶିଳପୁଆ ଓ କାଠ ଫାଳିଆରେ ପିଟି ପିଟି ଜଣେ ମହିଳାଙ୍କୁ ତାଙ୍କ ସ୍ୱାମୀ ହତ୍ୟା କରିଛି। ମୃତକଙ୍କ ନାଁ ଯୋଶଦା ସାହୁ। ତାଙ୍କ ସ୍ୱାମୀ ନାଁ ରାଜୁ ସାହୁ।

ସୂଚନା ଅନୁଯାୟୀ, ଅନେକ ସମୟରେ ରାଜୁ ଓ ଯୋଶଦାଙ୍କ ମଧ୍ୟରେ ଝଗଡ଼ା ହେଉଥିଲା।  ଗତକାଲି ଅପରାହ୍ଣରେ ପୁଣି ଉଭୟଙ୍କ ମଧ୍ୟରେ ଝଗଡ଼ା ହୋଇଥିଲା। ଝଗଡ଼ା ବେଳେ ଉତ୍‌କ୍ଷିପ୍ତ ହୋଇ ରାଜୁ ପ୍ରଥମେ ଶିଳପୁଆ ଓ ପରେ କାଠଫାଳିଆରେ ପିଟି ପିଟି ଯୋଶଦାଙ୍କୁ ମାରି ଦେଇଥିଲା।

ଖବର ପାଇ ବେଲଟୁକୁରି ଆଇଆଇସି ଘଟଣାସ୍ଥଳରେ ପହଞ୍ଚି ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲେ। ଏଥିସହ ଅଭିଯୁକ୍ତ ରାଜୁକୁ ଗିରଫ କରିଥିଲେ।

ହତ୍ୟାରେ ବ୍ୟବହୃତ ଶିଳପୁଆ ଓ କାଠଫାଳିଆକୁ ପୁଲିସ୍ ଜବତ କରିଛି। ଆଜି ଅଭିଯୁକ୍ତକୁ କୋର୍ଟ ଚାଲାଣ କରାଯିବ।