ରାଉରକେଲା (ସତ୍ୟାନନ୍ଦ ମହାନ୍ତି): ରାଉରକେଲାରେ ଆଜି ଜଣେ ମହିଳା ଲୁଟ୍ର ଶିକାର ହୋଇଛନ୍ତି। ଜଣେ ଲୁଟେରା ତାଙ୍କଠାରୁ ଚେନ୍ ଓ ସୁନା ଚୁଡ଼ି ନେଇଯିବା ସହିତ ତାଙ୍କ ମୁଣ୍ଡକୁ ଇଟାରେ ଶକ୍ତ ପ୍ରହାର ଦେଇଛି। ତାଙ୍କୁ ଗୁରୁତର ଅବସ୍ଥାରେ ଇସ୍ପାତ୍ ଜେନେରାଲ୍ ହସ୍ପିଟାଲ୍ (ଆଇଜିଏଚ୍)ରେ ଭର୍ତ୍ତି କରାଯାଇଛି।
ଆହତ ମହିଳାଙ୍କ ନାଁ ନମିତା ଦାସ। ସେ ରାଉରକେଲାର ଇଣ୍ଡୋ ଇଂଲିଶ ସ୍କୁଲ୍ ନିକଟରେ ରହନ୍ତି। ଆଜି ସକାଳ ପ୍ରାୟ ୧୦ଟା ବେଳେ ସେ ଚାଲି ଚାଲି ଡାକ୍ତରଙ୍କ ପାଖକୁ ଯାଉଥିବା ବେଳେ ଓରାମ ପଡ଼ା ନିକଟରେ ଦୁର୍ବୃତ୍ତ ଜଣକ ତାଙ୍କୁ ଅଟକାଇ ଥିଲା ଏବଂ ତାଙ୍କଠାରୁ ଚେନ୍ ଓ ଚୁଡ଼ି ନେଇଯିବାକୁ ପ୍ରୟାସ କରିଥିଲା। ନମିତା ପ୍ରତିରୋଧ କରିଥିଲେ। ଦୁର୍ବୃତ୍ତ ଜଣକ ଚେନ୍ ଟେଣି ନେବା ପରେ ସୁନା ଚୁଡ଼ି ନେବା ପାଇଁ ତାଙ୍କ ମୁଣ୍ଡରେ ଶକ୍ତ ପ୍ରହାର ଦେଇଥିଲା। ନମିତା ଆହତ ହୋଇ ତଳେ ପଡ଼ିଯିବା ପରେ ସେ ତାଙ୍କ ହାତରୁ ସୁନା ଚୁଡ଼ି ଧରି ଫେରାର ହୋଇଯାଇଥିଲା। ସେ ବାଇକ୍ରେ ଆସିଥିଲା ବୋଲି ଜଣାପଡ଼ିଛି।
ଉଦିତ ନଗର ପୁଲିସ୍ ଘଟଣାର ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।