ଅନୁଗୋଳ(ଓଡ଼ିଶା ରିପୋର୍ଟର): ଶାଳପତ୍ର ତୋଳିବାକୁ ଜଙ୍ଗଲକୁ ଯାଇଥିବା ମହିଳାଙ୍କୁ ଆକ୍ରମଣ କରି ରକ୍ତାକ୍ତ କରିପକାଇଛି ଭାଲୁ। ମହିଳାଙ୍କ ହାତ, ଗୋଡ଼, ପେଟ ପ୍ରଭୃତି ସ୍ଥାନକୁ ଚିରି ପକାଇଛନ୍ତି ଭାଲୁ। ଏହି ମହିଳା ଜଣକ ଅନୁଗୋଳ ଜିଲ୍ଲା ପାଲଲହଡା ଥାନା ଅନ୍ତର୍ଗତ କରଡାପାଳ ପଂଚାୟତ ମାଙ୍କଡ଼ଚୁଆ ଗାଁର ସରସ୍ୱତୀ ବେହେରା।
ତାଙ୍କୁ ଗୁରୁତର ଅବସ୍ଥାରେ ପ୍ରଥମେ ପାଲଲହଡା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପରେ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଛି।
ସୂଚନା ମୁତାବକ, ସେ ଗାଁ ନିକଟ ଜଙ୍ଗଲରେ ଶାଳପତ୍ର ତୋଳିବାରେ ବ୍ୟସ୍ତ ଥିବା ବେଳେ ଭାଲୁ ଆକ୍ରମଣ କରିଥିଲା। ସେ ଭାଲୁ କବଳରୁ ରକ୍ଷା ପାଇବା ନିମନ୍ତେ ଚେଷ୍ଟା କରିବା ସହ ସହାୟତା ନିମନ୍ତେ ଚିତ୍କାର କରିଥିଲେ। ସେ ଜୀବନ ବଞ୍ଚାଇବାକୁ ଭାଲୁ ସହ ଲଢ଼ି ଚାଲିଥିବା ବେଳେ ଚିତ୍କାର ଶୁଣି କିଛି ଲୋକ ଘଟଣାସ୍ଥଳରେ ପହଞ୍ଚି ଥିଲେ। ସେମାନେ ଭାଲୁକୁ ଘଉଡ଼ାଇବା ସହ ମହିଳାଙ୍କୁ ଉଦ୍ଧାର କରି ଡାକ୍ତରଖାନା ନେଇଥିଲେ।