ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ସୁନ୍ଦରଗଡ଼ (ବିଜୟ ବରୁଆ): ଦିନ ଦି’ପହରରେ ଘଟିଛି ଏକ ଗଣଦୁଷ୍କର୍ମ। ମହିଳା ଜଣକ ରାସ୍ତାରେ ଯାଉଥିବା ବେଳେ ଦୁଇ ଜଣ ଯୁବକ ତାଙ୍କୁ ଟେକି ନେଇ ଏକ ପରିତ୍ୟକ୍ତ ଘରେ ଗଣ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ଏପରି ଘଟଣା ସୁନ୍ଦରଗଡ଼ ଜିଲ୍ଲାରେ ଆଲୋଡ଼ନ ଖେଳାଇ ଦେଇଛି। ମହିଳା ଜଣକ ଆଜି ସଦର ଥାନାରେ ଅଭିଯୋଗ କରିବା ପରେ ପୋଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।</p> <p>ପୂରା ଘଟଣା ଏମିତି। ଗତ ରବିବାର ମହିଳା ଜଣକ କୌଣସି କାମରେ ବାହାରକୁ ଯାଇଥିଲେ। ମଧ୍ୟାହ୍ନରେ ଘରକୁ ଫେରୁଥିଲେ। ଆର୍‌ଆର୍‌ଆଇଟି ରାସ୍ତାରେ ଦୁଇ ମଦ୍ୟପ ତାଙ୍କ ମୁହଁରେ ହାତ ଦେଇ ଉଠାଇ ନେଇ ଏକ ପରିତ୍ୟକ୍ତ ଘରେ ଜଣେ ପରେ ଜଣେ ଦୁଷ୍କର୍ମ କରିଥିଲେ। ଯେତେ ନେହୁରା ହୋଇଥିଲେ ମଧ୍ୟ ରାକ୍ଷସମାନେ ତାଙ୍କ କଥା ଶୁଣିନଥିଲେ। ତେବେ ଚିତ୍କାର ଶୁଣି ସ୍ଥାନୀୟ ଲୋକେ ସେଠାକୁ ଚାଲିଆସିବାରୁ ଦୁର୍ବୃତ୍ତମାନେ ପଳାଇ ଯାଇଥିଲେ। ପରେ ସ୍ଥାନୀୟ ଲୋକେ ସମ୍ପୃକ୍ତ ମହିଳାଙ୍କୁ ଚେତାଶୂନ୍ୟ ଅବସ୍ଥାରେ ଉଦ୍ଧାର କରି ମେଡ଼ିକାଲରେ ଭର୍ତ୍ତି କରିଥିଲେ।</p> <p><a href="">(image) </a>ସେହି ଦିନ ସନ୍ଧ୍ୟାରେ ଏନେଇ ଗାଁରେ ଏକ ବୈଠକ ବସିଥିଲା। ଅଭିଯୁକ୍ତଙ୍କ ବିରୋଧରେ ଥାନାରେ ଅଭିଯୋଗ କରିବା ପାଇଁ ବୈଠକ ନିଷ୍ପତ୍ତି ହୋଇଥିଲା। ଆଜି ପୀଡ଼ିତା ମହିଳା ସଦର ଥାନାରେ ଅଭିଯୋଗ କରିଥିଲେ। ପୋଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।<br /> https://youtu.be/zJI9i8BPUzQ </p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
