୩ ବର୍ଷର ଝିଅ ଖୋଜୁଛି ମାଆର ପଣତ

<p>ସୋର(ଓଡ଼ିଶା ରିପୋର୍ଟର): ମାଆ ମରିବାର ମାସେ ବିତି ଯାଇଛି। ହେଲେ ଏ ସତକୁ ଗ୍ରହଣ କରି ପାରିନାହିଁ ୩ ବର୍ଷର ଝିଅ। ଆଖି ଏବେ ବି ଖୋଜୁଛି ମାଆକୁ। ଆଖିରୁ ଲୁହ ଶୁଖୁନାହିଁ। ଏହି ଦୁଃଖଦ ଚିତ୍ର ଦେଖିବାକୁ ମିଳିଛି ବାଲେଶ୍ୱର ଜିଲ୍ଲାରେ।</p><p>ଯୌତୁକ ଦାବି କରି ନ ମିଳିବାରୁ ଝିଅ (ପ୍ରିୟଙ୍କା)କୁ ଶାଶୁଘର ଲୋକେ ପ୍ରଥମେ ଅକଥନୀୟ ନିର୍ଯାତନା ଦେଲେ। ଆଉ ଶେଷରେ ବିଷ ଦେଇ ମାରି ଦେଇଥିବା ପ୍ରିୟଙ୍କାଙ୍କ ପରିବାର ଲୋକେ ଅଭିଯୋଗ କରିଛନ୍ତି। ଗତମାସ ୯ ତାରିଖରେ ବାଲେଶ୍ୱର ଜିଲ୍ଲା ତୀରଖୁଆ ଗାଁର ପ୍ରିୟଙ୍କା ହଠାତ୍ ଅସୁସ୍ଥ ହୋଇ ପଡ଼ିଥିଲେ। ପରେ ବିଷ ପିଇ ପ୍ରିୟଙ୍କାଙ୍କ ଅବସ୍ଥା ଏଭଳି ହୋଇଥିବା ଜଣାପଡ଼ିଥିଲା। ହେଲେ ଏହି କଥାକୁ ପ୍ରିୟଙ୍କାଙ୍କ ପରିବାର ଲୋକେ ବିଶ୍ୱାସ କରି ପାରି ନଥିଲେ। ପ୍ରିୟଙ୍କାକୁ ବିଷ ଦେଇ ମାରି ଦିଆଯାଇଥିବା ନେଇ ତାଙ୍କ ପରିବାର ଲୋକେ ଥାନାରେ ଅଭିଯୋଗ କରିଥିଲେ। ପୋଲିସ ଏନେଇ ଏକ ମାମଲା ରୁଜୁ କରି ଅଭିଯୁକ୍ତ ସ୍ୱାମୀ ମାନସ ମହାନ୍ତିଙ୍କୁ ଗିରଫ କରିଛି। ଏହାସହିତ ଏହି ଘଟଣାରେ ସଂପୃକ୍ତ ଅନ୍ୟ ସଦସ୍ୟଙ୍କୁ ମଧ୍ୟ ପୋଲିସ ଖୋଜୁଛି। ସ୍ଥାନୀୟ ଲୋକେ ମଧ୍ୟ ପ୍ରିୟଙ୍କାଙ୍କୁ ବିଷ ଦେଇ ମରାଯାଇଥିବା ଅଭିଯୋଗ କରିଛନ୍ତି।</p><p>ଅନ୍ୟପକ୍ଷରେ ମା&rsquo; କୋଳକୁ ଝୁରୁଛି ୩ ବର୍ଷର ଝିଅ ପଲକ। ସବୁବେଳେ ମାଆକୁ ଖୋଜି ବୁଲୁଛି ପଲକ। ସେ ବୁଝି ପାରୁ ନାହିଁ ପ୍ରିୟଙ୍କା ଯେଉଁଠିକୁ ଚାଲିଯାଇଛନ୍ତି,ସେଠାକୁ ଯିବା ପରେ କେହି କେବେ ଫେରି ନଥାଏ। ହେଲେ ଏକଥା ବୁଝିବାର ବୟସ ପଲକର ହୋଇନାହିଁ। ଏବେ ମାମୁଁ ଘରେ ରହୁଥିବା ପଲକ ସବୁବେଳେ ଗୋଟିଏ ଜିଦ୍&zwnj; ମାଆ ପାଖକୁ ଯିବ। ପଲକର ଏପରି ଜିଦ୍&zwnj; ଆଈ ଅନୁପମାଙ୍କ କୋହକୁ ଆହୁରି ବଢାଇ ଦେଉଛି। ଯେଉଁ &nbsp;ଦୁଃଖଦ ଘଟଣାକୁ କେବେ ମନେ ପକାଇବାକୁ ଚାହୁଁ ନାହାଁନ୍ତି, ନାତୁଣୀର ଜିଦ୍&zwnj; ବାରମ୍ୱାର ସେ ଦୃଶ୍ୟକୁ ଆଖି ଆଗକୁ ନେଇ ଆସୁଛି। ଏବେ ଅନୁପମାଙ୍କର ଗୋଟିଏ ଚିନ୍ତା କ&rsquo;ଣ କହି ନାତୁଣୀକୁ ବୁଝାଇବେ। ତା&rsquo;ର ମାଆ କୁଆଡେ ଯାଇଛି? କେବେ ଫେରିବ? ଆ&zwnj;ଉ ଫେରିବ ବି ନାହିଁ, କ&rsquo;ଣ କହିବେ ସେହି ଚିନ୍ତାରେ ଅନୁପମା ଘାରି ହେଉଛନ୍ତି।</p><p>ଘଟଣାକୁ ମାସେ&nbsp; ବିତି ଯାଇଥିଲେ ମଧ୍ୟ ପୋଲିସ କାର୍ଯ୍ୟାନୁଷ୍ଠାନରେ ସନ୍ତୁଷ୍ଟ ନୁହଁନ୍ତି ପ୍ରିୟଙ୍କାଙ୍କ ପରିବାର ଲୋକେ। ଅନ୍ୟ ଅଭିଯୁକ୍ତଙ୍କୁ ଖୁବଶୀଘ୍ର ଗିରଫ କରାଯିବ ବୋଲି ବାଲେଶ୍ୱର ଏସପି ନିତି ଶେଖର କହିଛନ୍ତି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।