ଅନୁଗୋଳ (ବିରଜା ପ୍ରସାଦ ଦାଶ): ଅନୁଗୋଳ ଜିଲ୍ଲା କଣିହାଁ ବନାଞ୍ଚଳର ବଜ୍ରକୋଟ ଗାଁରେ ଜଣେ ମହିଳାଙ୍କୁ ଦନ୍ତା ଦଳି ଦେଇଛି। ମୃତକଙ୍କ ନାଁ ନୟନୀ ସାହୁ। ତାଙ୍କ ଘର ବଜ୍ରକୋଟ ଗାଁରେ।
ସୂଚନା ଅନୁସାରେ, ଆଜି ସକାଳେ ନୟନୀ ତାଙ୍କ ଝିଅ ସାଙ୍ଗରେ ଭୁବନେଶ୍ୱର ଯିବା ପାଇଁ ବସ୍ ଧରିବାକୁ ଗାଁ ଛକକୁ ଆସୁଥିଲେ। ଏହି ସମୟରେ ସେମାନେ ଏକ ହାତୀ ହାବୁଡ଼ରେ ପଡ଼ି ଯାଇଥିଲେ। ହାତୀ ନୟନୀଙ୍କୁ ଦଳି ଦେଇଥିଲା। ହେଲେ ତାଙ୍କ ଝିଅ ସେଠାରୁ ଦୌଡ଼ି ପଳାଇ ଯିବାରୁ ଅଳ୍ପକେ ବର୍ତ୍ତି ଯାଇଛନ୍ତି। ଏହି ଘଟଣା ପରେ ଗାଁରେ ଭୟର ବାତାବରଣ ଖେଳି ଯାଇଛି। ଘଟଣାସ୍ଥଳରେ ବନବିଭାଗ କର୍ମଚାରୀ ପହଞ୍ଚିଛନ୍ତି।
ସୂଚନାଯୋଗ୍ୟ, ଗତକାଲି ସେହି ଦନ୍ତା ହାତୀ ଓଳନ୍ଦା ଗାଁରେ ନବ କିଶୋର ସେଠୀଙ୍କ ଘର ଭିତରେ ପଶି ତାଙ୍କୁ ଦଳି ଦେଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।