ଗରା ଓ ମାଠିଆ ଧରି ରାସ୍ତାରେ ବସିଲେ ମହିଳା

ଧର୍ମଗଡ଼(ଇଙ୍ଗିତ ପଣ୍ଡା): କଳାହାଣ୍ଡି ଜିଲ୍ଲା କାନେରଠାରେ ଆଜି ମହିଳାମାନେ ପାଣି ପାଇଁ ରାସ୍ତାରୋକ କରିଥିଲେ। ୨୦୦ରୁ ଊର୍ଦ୍ଧ୍ୱ ମହିଳା ଆଜି ଭୋର ପ୍ରାୟ ୫ଟାରୁ ଗରା ମାଠିଆ ଧରି ରାସ୍ତାରେ ବସିଥିଲେ। ଫଳରେ ମୋଟେଇ-ଜୟପାଟଣା ରାସ୍ତାରେ ଯାତାୟତ ବାଧାପ୍ରାପ୍ତ ହୋଇଥିଲା। ପ୍ରଶାସନିକ ଅଧିକାରୀ ପହଞ୍ଚି ବୁଝାସୁଝା କରିବା ପରେ ରାସ୍ତାରୋକ ହଟିଥିଲା।
ଅନେକ ଦିନ ହେଲା କାନେରରେ ପାଣି ସମସ୍ୟା ଲାଗି ରହିଛି ବୋଲି ଗ୍ରାମବାସୀ ଅଭିଯୋଗ କରିଛନ୍ତି।