ବାହା ହେବାକୁ ରାଜି ହେଲାନି ପ୍ରେମିକା, ଛୁରୀ ଭୁସି ଦେଲା ପ୍ରେମିକ

କଲ୍ୟାଣସିଂହପୁର(ଓଡ଼ିଶା ରିପୋର୍ଟର): ହତାଶ୍‌ ପ୍ରେମିକର ଉନ୍ମତ୍ତ କାଣ୍ଡ। ବିବାହ ପ୍ରସ୍ତାବରେ ରାଜି ନ ହେବାରୁ ପ୍ରେମିକାକୁ ଛୁରୀରେ ଆକ୍ରମଣ କଲା ପ୍ରେମିକ। ଘଟଣା ଘଟିଛି  ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଳକ ଶିକରପାଇ ପଞ୍ଚାୟତ ଅନ୍ତର୍ଗତ କାଣିପାଇ ଗାଁରେ।

ସୂଚନା ଅନୁସାରେ, କାଣିପାଇ ଗାଁର ଜଣେ ଯୁବତୀଙ୍କୁ ବଳଦିଆ ଗାଁର ଯୁବକ କୁରୁମା ପ୍ରାସ୍କାକୁ ଭଲ ପାଉଥିଲେ। ଉଭୟଙ୍କ ମଧ୍ୟରେ ପ୍ରାୟ ଏକ ବର୍ଷ ହେବ ପ୍ରେମ ସମ୍ପର୍କ ଗଢ଼ି ଉଠିଥିଲା। ହେଲେ ପ୍ରେମିକା ଅନ୍ୟ ଜଣେ ଯୁବକଙ୍କ ସହ  ବୁଲୁଥିବା ଦେଖି ସହ୍ୟ କରି ପାରି ନଥିଲା କୁରୁମା। ତେଣୁ ଗତ ୭ ତାରିଖରେ ସେ ପ୍ରେମିକାଙ୍କ ଘରକୁ ଯାଇ ପ୍ରେମ ନିବେଦନ କରିବା ସହ  ବିବାହ ପ୍ରସ୍ତାବ ଦେଇଥିଲା। କିନ୍ତୁ ଯୁବତୀ ଜଣକ କୁରୁମାଙ୍କୁ ବିବାହ କରିବାକୁ ରୋକ୍‌ଠକ୍‌ ମନା କରି ଦେଇଥିଲେ। ଏହାପରେ କୁରୁମା ରାଗିଯାଇ ତାଙ୍କୁ ଛରୀରେ ଭୁସି ଦେଇଥିଲେ। ପରେ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିଲା।

ସ୍ଥାନୀୟ ପୋଲିସ କୁରୁମାକୁ ଗିରଫ କରିଛି। ତା’ ନାଁରେ ଦଫା ୩୦୭,୩୨୪ ଓ ୩୨୩ ଆଧାରରେ ମାମଲା ରୁଜୁ କରାଯାଇଛି।