ବେଆଇନ ପ୍ଲଟ୍‌ ହାତେଇବା ମାମଲା: ଯୁବ କଂଗ୍ରେସର ବିକ୍ଷୋଭ  

ଭୁବନେଶ୍ୱର: ଆଇନ ମନ୍ତ୍ରୀ ପ୍ରତାପ ଜେନାଙ୍କୁ ତୁରନ୍ତ ବରଖାସ୍ତ କରିବା ଲାଗି ରାଜ୍ୟ ଯୁବ କଂଗ୍ରେସ ଦାବି କରିଛି । ଏ ନେଇ ଯୁବ କଂଗ୍ରେସ ପକ୍ଷରୁ ଭୁବନେଶ୍ୱର ମାଷ୍ଟରକ୍ୟାଣ୍ଟିନ ଛକରେ ବିକ୍ଷୋଭ ପ୍ରଦର୍ଶନ କରାଯାଇଛି।

ଇଚ୍ଛାଧୀନ କୋଟାରେ ଜମି ଓ ପ୍ଲଟ୍‌ ଆବଣ୍ଟନ ମାମଲାରେ ପ୍ରତାପ ଜେନାଙ୍କ ପତ୍ନୀଙ୍କୁ ସିଡିଏ ପକ୍ଷରୁ ନୋଟିସ ଜାରି ହୋଇଛି। ଇଚ୍ଛାଧୀନ କୋଟାରେ ପାଇଥିବା ପ୍ଲଟ କାହିଁକି ରଦ୍ଦ କରାନଯିବ, ସେ ନେଇ ସିଡିଏ ପକ୍ଷରୁ ଗତକାଲି ୪୦ ଜଣଙ୍କୁ ନୋଟିସ ଜାରି ହୋଇଥିବା ବେଳେ ମାସକ ଭିତରେ ଉତ୍ତର ରଖିବାକୁ କୁହାଯାଇଛି।

ଏପଟେ ଯୁବ କଂଗ୍ରେସର ବିରୋଧ ନେଇ ମନ୍ତ୍ରୀ ପ୍ରତାପ ଜେନାଙ୍କ ପ୍ରତିକ୍ରିୟା ମିଳିପାରିନାହିଁ।