୪୮ ଘଣ୍ଟା ଭିତରେ ପଲଟିଲା ସଂଖ୍ୟା! ମଜବୁତ ସ୍ଥିତିରେ ଗେହଲଟ କ୍ୟାମ୍ପ

ଜୟପୁର: ରାଜସ୍ଥାନ ରାଜନୀତିରେ ପୁଣି ବଦଳିଛି ସଂଖ୍ୟା ଚିତ୍ର। ସଚିନ ପାଇଲଟ କ୍ୟାମ୍ପର ତିନି ବିଧାୟକ ଏବେ ଗେହଲଟ କ୍ୟାମ୍ପକୁ ସମର୍ଥନ ଜଣାଉଥିବା ସୂଚନା ରହିଛି। ଏଥିସହ ବିଗତ ୪୮ ଘଣ୍ଟା ଭିତରେ ରାଜସ୍ଥାନ ରାଜନୀତିରେ ତିନୋଟି ଘଟଣା ସାମ୍ନାକୁ ଆସିଛି। ଗୋଟିଏ ପଟେ ପାଇଲଟ କ୍ୟାମ୍ପର ବିଧାୟକଙ୍କୁ ଅଯୋଗ୍ୟ କରିବା ପାଇଁ ମାମଲା କୋର୍ଟରେ ଚାଲିଛି ଅନ୍ୟପଟେ ରାଜ୍ୟପାଳ ଓ ସରକାରଙ୍କ ମଧ୍ୟରେ ବିବାଦ ଯାହାକି ରାଜସ୍ଥାନ ରାଜନୀତିକୁ ରୋଚକ କରିଛି।

ବିଏସପି ବିଧାୟକ କଂଗ୍ରେସ ସହିତ ମିଶ୍ରଣ ପାଇଁ ଦାଖଲ ହୋଇଥିବା ଆବେଦନକୁ ହାଇକୋର୍ଟରେ ସମାଧାନ କରାଯାଇଛି। ଅନ୍ୟପକ୍ଷରେ ରାଜ୍ୟପାଳ କଲରାଜ ମିଶ୍ରଙ୍କୁ ଏହି ପଦରୁ ହଟାଇବାକୁ ଦାବି କରି ରାଜସ୍ଥାନ ହାଇକୋର୍ଟରେ ଏକ ଜନସ୍ୱାର୍ଥ ଆବେଦନ କରାଯାଇଛି। ଏହା ବ୍ୟତୀତ ସଚିନ ପାଇଲଟଙ୍କୁ ସମର୍ଥନ କରୁଥିବା ୩ ଜଣ ବିଧାୟକ ଗେହଲଟ କ୍ୟାମ୍ପକୁ ଫେରିବାକୁ ଯାଉଛନ୍ତି ବୋଲି କଂଗ୍ରେସ ମୁଖପାତ୍ର ରଣଦୀପ ସୁରଜେୱାଲା ଦାବି କରିଛନ୍ତି।

ରାଜସ୍ଥାନର ରାଜ୍ୟପାଳଙ୍କୁ ତାଙ୍କ ପଦରୁ ହଟାଇବା ପାଇଁ ସୋମବାର ରାଜସ୍ଥାନ ହାଇକୋର୍ଟରେ ଏକ ଜନସ୍ୱାର୍ଥ ମାମଲା ଦାଖଲ କରାଯାଇଛି। ଆଡଭୋକେଟ୍ ଶାନ୍ତନୁ ପ୍ୟାରୀ ଏହି ପିଆଇଏଲ ଦାଖଲ କରିଛନ୍ତି। ରାଜ୍ୟପାଳ କାଲରାଜ ମିଶ୍ର ତାଙ୍କ ପଦବୀକୁ ଠିକ୍ ଭାବରେ ବ୍ୟବହାର କରୁ ନଥିବା ସେ ଦର୍ଶାଇଛନ୍ତି। ରାଜସ୍ଥାନର ଅଶୋକ ଗେହଲଟ୍ ସରକାର ବିଧାନସଭା ଅଧିବେଶନ ଡାକିବାକୁ ଚାହୁଁଛନ୍ତି, କିନ୍ତୁ ରାଜ୍ୟପାଳ ଏହାକୁ ଅନୁମତି ଦେଇ ନାହାନ୍ତି ବୋଲି ଶାନ୍ତନୁ ପ୍ୟାରୀ ଆବେଦନରେ ଦର୍ଶାଇଛନ୍ତି।

ସଚିନ୍ ପାଇଲଟଙ୍କ ସହ ଥିବା ୧୯ ଜଣ ବିଧାୟକଙ୍କ ମଧ୍ୟରୁ ୩ ଜଣ ଗେହଲଟ୍ କ୍ୟାମ୍ପକୁ ଫେରିବାକୁ ଚାହୁଁଛନ୍ତି। ଫେୟାରମାଉଣ୍ଟରେ କଂଗ୍ରେସ ବିଧାୟକମାନଙ୍କୁ ସମ୍ବୋଧିତ କରି କଂଗ୍ରେସ ନେତା ରଣଦୀପ ସୁରଜୱାଲା ଏହା କହିଛନ୍ତି। ଆସନ୍ତା ୪୮ ଘଣ୍ଟା ମଧ୍ୟରେ ୩ ଜଣ ବିଧାୟକ ଗେହଲଟଙ୍କ ସହ ଆସିବେ ବୋଲି ସେ କହିଛନ୍ତି। ହେଲେ କିଏ ଏହି ତିନି ବିଧାୟକ ଆଉ ଗେହଲଟ କ୍ୟାମ୍ପକୁ ସମର୍ଥନ କରୁଥିବାର ପ୍ରମାଣ ଦେଇ ନାହିଁ ସୁରଜେଓ୍ୱାଲା।

ସେହିପରି କଂଗ୍ରେସ ସହିତ ବିଏସପି ବିଧାୟକଙ୍କ ମିଶ୍ରଣ ପାଇଁ ଦାଖଲ ହୋଇଥିବା ଆବେଦନକୁ ଖାରଜ ହୋଇଛି। ରାଜସ୍ଥାନ ହାଇକୋର୍ଟ ଏହି ଆବେଦନକୁ ଅମୂଳକ ବୋଲି କହି ଖାରଜ କରିଛନ୍ତି। ପୂର୍ବତନ ମନ୍ତ୍ରୀ ମଦନ ଦିଲୱାରଙ୍କ ଦ୍ୱାରା ଏହି ଆବେଦନ ଦାଖଲ ହୋଇଥିଲା।

ଆହୁରି ପଢ଼ନ୍ତୁ

ନଦୀରେ ବୁଡ଼ି ଗଲା ଡଙ୍ଗା, ୨୪ରୁ ଅଧିକ ଲୋକ ଥିଲେ

ସୁଶାନ୍ତଙ୍କ ମୃତ୍ୟୁକୁ ନେଇ ମୁହଁ ଖୋଲିଲେ ଆଦିତ୍ୟ ଠାକରେ, କହିଲେ ମୋତେ…

ସେଲେବ୍ରିଟିଙ୍କ ପରି କରନ୍ତୁ ଶିମର୍ ମେକ୍‌ଅପ୍

କାର୍ଗିଲ ଯୁଦ୍ଧର ମିଗ-୨୩ ବିମାନକୁ ବିକ୍ରି ପାଇଁ OLXରେ ବିଜ୍ଞାପନ, ଦାମ କେତେ ଥିଲା ଜାଣନ୍ତୁ

ଟିକଟକକୁ କିଣିବା ପାଇଁ ମାଇକ୍ରୋସଫ୍ଟକୁ ୪୫ ଦିନର ସମୟ ଦେଲେ ଟ୍ରମ୍ପ

କୁଲଭୂଷଣଙ୍କ ପାଇଁ ୩ ଜଣ ଆମିକସ କ୍ୟୁରିଙ୍କୁ ନିଯୁକ୍ତ କଲା ପାକିସ୍ତାନ

ଦୁନିଆର ସବୁଠାରୁ ଦାମୀ କାର୍‌ କିଣିଲେ ରୋନାଲ୍ଡୋ, ଦାମ ଶୁଣିଲେ ହୋସ ଉଡ଼ିଯିବ

ଆରୋଗ୍ୟରେ ସବୁ ରେକର୍ଡ ଭାଙ୍ଗିଲା ଭାରତ: ଦିନକରେ ୪୪,୩୦୬ ସୁସ୍ଥ, ୫୨,୦୫୦ ଆକ୍ରାନ୍ତ

ସମୁଦ୍ର କୂଳରେ ୧୫ ଫୁଟିଆ ରହସ୍ୟମୟ ଜୀବ, ସମସ୍ତେ ଚକିତ

ସୁଶାନ୍ତଙ୍କ ମୃତ୍ୟୁ ମାମଲାର ସିବିଆଇ ତଦନ୍ତ ପାଇଁ ବିହାର ସରକାରଙ୍କ ସୁପାରିସ୍

ଏଫ୍‌ଆଇଆର୍‌ ଦେବାକୁ ଅମଙ୍ଗ ଥିଲେ ସୁଶାନ୍ତଙ୍କ ପରିବାର ଲୋକେ!

ଜଣେ ପୂର୍ବତନ ମୁଖ୍ୟମନ୍ତ୍ରୀଙ୍କୁ କରୋନା, ଆଇସୋଲେସନ୍‌ରେ ରହିଲେ ଜଣେ ମୁଖ୍ୟମନ୍ତ୍ରୀ