ରାୱଲପିଣ୍ଡି: ପାକିସ୍ତାନ ଓପ୍ନର ଆବିଦ୍ ଅଲୀ ଅନ୍ତର୍ଜାତୀୟ କ୍ରିକେଟରେ ନୂଆ ବିଶ୍ୱ କୀର୍ତ୍ତିମାନ ସ୍ଥାପନ କରିଛନ୍ତି। ଆବିଦ୍ ବିଶ୍ୱର ପ୍ରଥମ ପୁରୁଷ କ୍ରିକେଟର୍ ଭାବେ ନିଜର ପଦାର୍ପଣ ଦିନିକିଆ ଓ ଟେଷ୍ଟ ମ୍ୟାଚରେ ଶତକ ମାରିବାର ରେକର୍ଡ କରିଛନ୍ତି। ଏଠାରେ ଖେଳାଯାଇଥିବା ଶ୍ରୀଲଙ୍କା ବିପକ୍ଷ ପ୍ରଥମ ଟେଷ୍ଟର ଅନ୍ତିମ ଦିବସରେ ଆବିଦ୍ ଶତକୀୟ ଇନିଂସ୍ ଖେଳିଛନ୍ତି।
ଅନ୍ତର୍ଜାତୀୟ କ୍ରିକେଟରେ ଉଭୟ ଟେଷ୍ଟ ଓ ଦିନିକିଆ ପଦାର୍ପଣ ମ୍ୟାଚରେ ଶତକ ମାରିବାର ରେକର୍ଡ ଇଂଲଣ୍ଡର ମହିଳା କ୍ରିକେଟର୍ ଏନିଡ୍ ବେକୱେଲଙ୍କ ନାଁରେ ରହିଛି। ବେକୱେଲ୍ ୧୯୬୮ରୁ ୧୯୭୯ ମଧ୍ୟରେ ଏହି ରେକର୍ଡ କରିଥିଲେ। ବେକୱେଲ୍ ୧୯୬୮ରେ ଅଷ୍ଟ୍ରେଲିଆ ବିପକ୍ଷ ନିଜର ପ୍ରଥମ ଟେଷ୍ଟରେ ୧୧୩ ରନର ଇନିଂସ୍ ଖେଳିଥିବା ବେଳେ ୧୯୭୩ରେ ଅନ୍ତର୍ଜାତୀୟ ଏକାଦଶ ମହିଳା ଟିମ୍ ବିପକ୍ଷରେ ନିଜର ଡେବ୍ୟୁ ଦିନିକିଆ ଶତକ (୧୦୧) ମାରିଥିଲେ।
୩୨ ବର୍ଷୀୟ ଆବିଦ୍ ଚଳିତ ବର୍ଷ ଦୁବାଇରେ ଅଷ୍ଟ୍ରେଲିଆ ବିପକ୍ଷରେ ନିଜର ପଦାର୍ପଣ ଦିନିକିଆରେ ୧୧୨ ରନର ଇନିଂସ୍ ଖେଳିଥିଲେ। ଆଜି ସେ ଶ୍ରୀଲଙ୍କା ବିପକ୍ଷରେ ଅପରାଜିତ ୧୦୯ ରନ୍ ମାରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
