ଏସିଆ ଚାମ୍ପିଅନସିପ୍: ବିଜୟରୁ ଅଭିଯାନ ଆରମ୍ଭ କଲେ ସାଇନା,ବାହାରିଲେ କଶ୍ୟପ

ଉହାନ (ଚୀନ): ଏଠାରେ ଚାଲିଥିବା ଏସିଆ ବ୍ୟାଡମିଣ୍ଟନ ଚାମ୍ପିଅନସିପରେ ବିଶ୍ୱର ଏକ ନମ୍ବର ଖେଳାଳି ସାଇନା ନେହୱାଲ୍ ଗୁରୁବାର ତାଙ୍କର ପ୍ରଥମ ମ୍ୟାଚ୍ ଖେଳିଛନ୍ତି। ଆଉ ଏଥିରେ ବିଜୟୀ ହୋଇଛନ୍ତି। ସେ ବିଜୟରୁ ନିଜ ଅଭିଯାନ ଆରମ୍ଭ କରିଥିବା ବେଳେ ପ୍ରି-କ୍ୱାର୍ଟର ଫାଇନାଲରୁ ବିଦା ହୋଇଯାଇଛନ୍ତି ପରୁପଲ୍ଲୀ କଶ୍ୟପ। ଅନ୍ୟ ପକ୍ଷରେ ପି.ଭି ସିନ୍ଧୁ ତାଙ୍କର ବିଜୟ ଧାରା ଜାରି ରଖିଛନ୍ତି।

ଅଲମ୍ପିକରେ ବ୍ରୋଞ୍ଜ ପଦକ ଜିତିଥିବା ସାଇନା ତାଙ୍କର ପ୍ରଥମ ମ୍ୟାଚରେ ଭେଟିଥିଲେ ଜାପାନର ନୋଜୋମି ଓକୁହାରାଙ୍କୁ। ଏକ ଘଣ୍ଟା ସାତ ମିନିଟ ଧରି ଚାଲିଥିବା ଏହି ମ୍ୟାଚରେ ସାଇନା ୨୧-୧୪, ୧୦-୨୧ ଓ ୨୧-୧୦ ଗେମ୍ରେ ନୋଜୋମିଙ୍କୁ ପରାସ୍ତ କରିଥିଲେ। ଦ୍ୱିତୀୟ ମ୍ୟାଚରେ ସାଇନା ଚାଇନୀଜ ତାଇପେର ଜୁ ୟିଙ୍ଗ ତାଇଙ୍କୁ ଭେଟିବେ।

ସେହିପରି ବିଶ୍ୱ ଚାମ୍ପିଅନସିପରେ ଦୁଇ ଥର ବ୍ରୋଞ୍ଜ ପଦକ ହାସଲ କରିଥିବା ପି.ଭି ସିନ୍ଧୁ ମାକାଓର ଟେଙ୍ଗ ଇଓକଙ୍କୁ ୨୧-୮, ୨୧-୯ରେ ପରାସ୍ତ କରି କ୍ୱାର୍ଟର ଫାଇନାଲରେ ପହଞ୍ଚି ଯାଇଛନ୍ତି। କ୍ୱାର୍ଟର ଫାଇନାଲରେ ତାଙ୍କର ମୁକାବିଲା ଚୀନର ଲି ଜୁଏରୁଇଙ୍କ ସହିତ ହେବ। ଉଜବେକିସ୍ଥାନର ଅନେତ ଖୁର୍ସୁଦ୍ୟାନଙ୍କୁ ୨୧-୬, ୨୧-୫ରେ ହରାଇ ପ୍ରି-କ୍ୱାର୍ଟର ଫାଇନାଲରେ ପହଞ୍ଚିଥିଲେ।

ଅନ୍ୟପକ୍ଷରେ ଗତକାଲି ଚାଇନୀଜ ତାଇପେର ଜେନ୍ ହାଓ ସୁଙ୍କୁ ୧୫-୨୧, ୨୧-୧୮,୨୧-୧୯ରେ ହରାଇ ପ୍ରି-କ୍ୱାର୍ଟର ଫାଇନାଲରେ ପହଞ୍ଚିଥିବା ପରୁପଲ୍ଲୀ କଶ୍ୟପଙ୍କ ଅଭିଯାନ ଗୁରୁବାର ଶେଷ ହୋଇଯାଇଛି। ପ୍ରି-କ୍ୱାର୍ଟର ଫାଇନାଲରେ ସେ ଚୀନର ଝେଙ୍ଗମିଙ୍ଗ୍ ୱାଙ୍ଗଠାରୁ ୨୩-୨୧, ୧୭-୨୧ ଓ ୮-୨୧ରେ ପରାସ୍ତ ହୋଇଯାଇଥିଲେ।

ଆହୁରି ପଢ଼ନ୍ତୁ

ସୁପର ଓଭର୍‌ରେ ରୋହିତଙ୍କୁ ହରାଇଲେ ବିରାଟ, ମୁମ୍ବାଇର ଦ୍ୱିତୀୟ ପରାଜୟ

ଡିଭିଲିୟର୍ସଙ୍କ ବିସ୍ଫୋରଣ: ମୁମ୍ବାଇ ଆଗରେ ୨୦୨ ରନ୍‌ର ଟାର୍ଗେଟ

ଟସ୍‌ ଜିତିଲା ମୁମ୍ବାଇ: ପ୍ରଥମେ ବୋଲିଂ କରିବ, ଆଇପିଏଲରେ ଡେବ୍ୟୁ କଲେ ଇଶ୍ରୁ ଉଦାନା

ଆଇପିଏଲରେ କମବ୍ୟାକ୍ କରିବେ କି ନାମୀ ଦଳ ଓ ଦାମୀ ଖେଳାଳି

ଆଜି ଟକ୍କର ନେବେ ଦୁଇ ଭାରତୀୟ ସୁପର୍ ଷ୍ଟାର୍

ସାରଜାରେ ରନ ବର୍ଷା: ଫିକା ପଡ଼ିଲା ମୟଙ୍କ ଅଗ୍ରୱାଲଙ୍କ ଶତକ, ରାଜସ୍ଥାନର ଚମତ୍କାର ବିଜୟ

ଆଇପିଏଲରେ ମୟଙ୍କ ଅଗ୍ରୱାଲଙ୍କ ପ୍ରଥମ ଶତକ: ପଞ୍ଜାବର ବିଶାଳ ୨୨୩

ଟସ୍‌ ଜିତିଲେ ସ୍ମିଥ, ବୋଲିଂ କରିବ ରାଜସ୍ଥାନ: ଫେରିଲେ ବଟଲର

ସୁପର୍ ସଣ୍ଡେ’ରେ ରୟାଲ୍ସକୁ ଭେଟିବ କିଙ୍ଗସ୍ ଇଲେଭେନ୍: ଫେରି ପାରନ୍ତି ବଟଲର୍ ଓ ଗେଲ୍

ଗିଲ୍‌ଙ୍କ ଦମଦାର ବ୍ୟାଟିଂ, ବିଜୟ ଅଭିଯାନ ଆରମ୍ଭ କଲା କୋଲକାତା

୧୪୨ ରନ୍‌ରେ ଅଟକିଲା ହାଇଦ୍ରାବାଦ

ଟସ୍‌ ଜିତିଲେ ୱାର୍ଣ୍ଣର: ବୋଲିଂ କରିବ କୋଲକାତା