ଲଗାତର ହାରିବା ପରେ ଅଷ୍ଟ୍ରେଲିଆ ଦଳ ହତାଶ: ସ୍ମିଥ୍ କହିଲେ ଭାରତ ଭଳି ଟିମ୍ ବିପକ୍ଷରେ ଭୁଲ ସୁଧାରିବାକୁ ହେବ

ଭୁବନେଶ୍ୱର(ଓଡ଼ିଶା ରିପୋର୍ଟର): ଭାରତ ବିପକ୍ଷରେ ଲଗାତର ୨ଟି ମ୍ୟାଚ୍‌ ହାରିବା ପରେ ଅଷ୍ଟ୍ରେଲିଆ ଦଳ ହତାଶ ହୋଇପଡିଛି। ୫ଟିକିଆ ସିରିଜରେ ଭାରତ ୨-୦ରେ ଅଗ୍ରଣୀ ଲାଭ କରିବା ପରେ ଅଷ୍ଟ୍ରେଲିଆ ଦଳର ଖରାପ ପ୍ରଦର୍ଶନ ଏହାର କାରଣ ବୋଲି ଅଧିନାୟକ ସ୍ମିଥ୍‌ କହିଛନ୍ତି। ଭାରତ ଭଳି ଟିମ୍‌ ବିପକ୍ଷରେ ଅଷ୍ଟ୍ରେଲିଆ ଦଳ ଏମିତ ଭୁଲ କରିବା କଥା ନୁହେଁ। କିନ୍ତୁ ଗତ ଦୁଇଟି ମ୍ୟାଚ୍‌ରେ ଅଷ୍ଟ୍ରେଲିଆ ଦଳ ଯେଉଁଭଳି ପ୍ରଦର୍ଶନ କରିଛି ଏନେଇ ଅଧିନାୟକ  ସ୍ମିଥ୍‌ ନିଜ ଦଳର ଖେଳାଳିଙ୍କ ପ୍ରଦର୍ଶନରେ ଅସନ୍ତୁଷ୍ଟ ବ୍ୟାକ୍ତ କରିଛନ୍ତି। ସ୍ମିଥ କହିଛନ୍ତି ଭାରତ ବିପକ୍ଷରେ ଦଳ ନୂତନ ରଣକୌଶଳ ସହ ପଡିଆକୁ ଓହ୍ଲାଉଛି କିନ୍ତୁ ବରାମ୍ବାର ଦଳର ଖରାପ ପ୍ରଦର୍ଶନ ପରାଜୟର କାରଣ ପାଲଟିଛି। ଏହାକୁ ଏବେ ପରିବର୍ତ୍ତନ କରିବାକୁ ପଡିବ। ସେ କହିଛନ୍ତି ମ୍ୟାଚ୍‌ ଜିତିବାକୁ ହେଲେ ଚାପରେ ଭଲ ଖେଳିବାକୁ ହେବ। ଆଗାମୀ ମ୍ୟାଚ୍‌ରେ ଦଳ ଭଲ ପ୍ରଦର୍ଶନ କରି ଜିତିବ ବୋଲି ସ୍ମିଥ୍‌ ଆଶାବାଦୀ ଅଛନ୍ତି।