ନୂଆଦିଲ୍ଲୀ: ଟିମ୍ ଇଣ୍ଡିଆର ବିସ୍ଫୋରକ ବ୍ୟାଟ୍ସମ୍ୟାନ ବିରେନ୍ଦ୍ର ସେହୱାଗ ଖେଳରୁ ସିନା ଅବସର ନେଇ ଯାଇଛନ୍ତି, ହେଲେ ତାଙ୍କ କ୍ରେଜ୍ ଆଜି ବି କମିନି। ସୋସିଆଲ ମିଡିଆରେ ସବୁବେଳେ ଆକ୍ଟିବ ରହୁଥାନ୍ତି ବୀରୁ। ସୋସିଆଲ ମିଡିଆ ବ୍ୟବହାରକାରୀ ମଧ୍ୟ ତାଙ୍କୁ ବହୁତ ପସନ୍ଦ କରିଥାନ୍ତି। ସବୁ ବେଳେ କିଛି ନାଁ କିଛି ମଜାଳିଆ ଫଟୋ ସେୟାର କରୁଥିବା ବୀରୁ ଏବେ ଏକ ରୁଟିର ଫଟୋ ସେୟାର କରିଛନ୍ତି। ଏହି ରୁଟି ବିରାଟ କୋହଲିଙ୍କ ପତ୍ନୀ ଅନୁଷ୍କା ବୀରୁଙ୍କ ପାଇଁ ବନାଇ ଥିବା କୁହାଯାଉଛି। ହେଲେ ରୁଟିର ଆକୃତିକୁ ଦେଖିଲେ ଆପଣ କମେଣ୍ଟ ଦେବେ ପଛରେ, ଆଗ ଦମେ ହସି ହସି ଗଡିବେ। କାରଣ ରୁଟିଟି ହୋଇଛି ସମିତି।
ଏହାପରେ ପ୍ରଶଂସକମାନେ ରୁଟିକୁ ନେଇ ଅନୁଷ୍କାଙ୍କୁ କମେଣ୍ଟ କରିବା ଆରମ୍ଭ କରିଦେଇଥିଲେ। ଗୋଟିଏ ପରେ ଗୋଟିଏ କମେଣ୍ଟ ଆସିବାକୁ ଲାଗିଥିଲା।
ମଜାଦାର କଥା ହେଲା ଅଧିକାଂଶ ୟୁଜର୍ସ ବୀରୁଙ୍କୁ ଗୋଟିଏ ପ୍ରଶ୍ନ କରିଥିଲେ। କ’ଣ ଅନୁଷ୍କା ଏହି ରୁଟି କୋହଲିଙ୍କ ପାଇଁ ବନାଇଛନ୍ତି।
ଆଉ ଜଣେ ୟୁଜର୍ସ କମେଣ୍ଟ ଦେଇଛନ୍ତି, ଏମିତି ଲାଗୁଛି ପତ୍ନୀ ଖାଇବାରେ ପତିଙ୍କୁ ହ୍ୟାଣ୍ଡ ଗ୍ଲୋବ୍ସ ଗିଫ୍ଟ କରିଛନ୍ତି।
ଜଣେ ୟୁଜର୍ସ ମଜାଳିଆ ଅନ୍ଦାଜରେ କମେଣ୍ଟ ଦେଇଛନ୍ତି। ସେ ଲେଖିଛନ୍ତି, “ପାଜି, ପତ୍ନୀଙ୍କ ହାତର ରୁଟି ହେଉ କି ହାତରେ ଥିବା ବେଲଣା କାଠି, ସବୁ ପତିଙ୍କୁ ଖାଇବାକୁ ପଡିଥାଏ।”