ନୂଆଦିଲ୍ଲୀ: କ୍ରିକେଟ ଜଗତର ଦ୍ରୋଣାଚାର୍ଯ୍ୟ ତଥା ଟିମ ଇଣ୍ଡିଆକୁ ଅନେକ ବଡ଼ବଡ଼ ଖେଳାଳିଙ ଭେଟି ଦେଇଥିବା ବିଶିଷ୍ଟ କୋଚ୍ ତାରକ ସିହ୍ନାଙ୍କ ଆଜି ଦେହାନ୍ତ ହୋଇଛି। ସେ ଦୀର୍ଘ ଦିନ ଧରି ଅସୁସ୍ଥ ଥିଲେ। ଶେଷରେ ଆଜି ଭୋର ୩ଟାରେ ଦିଲ୍ଲୀର ଗୋଟିଏ ହସ୍ପିଟାଲରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। ମୃତ୍ୟୁ ବେଳକୁ ତାଙ୍କୁ ୭୧ ବର୍ଷ ବୟସ ହୋଇଥିଲା। ଋଷଭ ପନ୍ତଙ୍କ ଠାରୁ ଆରମ୍ଭ କରି ଆଶିଷ ନେହେରା, ଆକାଶ ଚୋପ୍ରାଙ୍କ ଭଳି ଖେଳାଳି ତାଙ୍କ ଠାରୁ ହିଁ କ୍ରିକେଟର କୋଚିଂ ନେଇଥିଲେ।
ତାରକ ସିହ୍ନା ଦିଲ୍ଲୀର ସୋନେଟ କ୍ରିକେଟ୍ କ୍ଲବ ନାମକ ଏକ ଏକାଡେମୀ ଚଳାଉଥିଲେ। ତାଙ୍କ ଠାରୁ କୋଚିଂ ନେଇ ୧୨ ଜଣ ଖେଳାଳି ଭାରତର ପ୍ରତିନିଧିତ୍ୱ କରିଛନ୍ତି। ସେହିପରି ୧୦୦ରୁ ଅଧିକ ଖେଳାଳି ପ୍ରଥମ ଶ୍ରେଣୀ କ୍ରିକେଟରେ ନିଜ ଯାଦୁ ଦେଖାଇଛନ୍ତି। ଦୀର୍ଘ ଦିନ ହେଲା ସେ ଫୁସଫୁସ କ୍ୟାନସରରେ ପୀଡ଼ିତ ଥିଲେ। ନିକଟରେ ତାଙ୍କ ଶରୀରର ଏକାଧିକ ଅଙ୍ଗପ୍ରତ୍ୟେଙ୍ଗରେ ସମସ୍ୟା ଦେଖା ଯାଇଥିଲା। ଏଥିପାଇଁ ଦିଲ୍ଲୀର ଗୋଟିଏ ହସ୍ପିଟାଲରେ ସେ ଭର୍ତ୍ତି ହୋଇଥିଲେ। ଯେଉଁଠାରେ ଆଜି ତାଙ୍କର ମୃତ୍ୟୁ ଘଟିଥିବା ବରିଷ୍ଠ କ୍ରୀଡ଼ା ସାମ୍ବାଦିକ ବିଜୟ ଲୋକପାଲୀ ଟ୍ୱିଟ କରି ସୂଚନା ଦେଇଛନ୍ତି।
Legendary coach Tarak Sinha passed away at 3 an this morning. he was ailing for some time. Om Shanti 🕉️ pic.twitter.com/AFJDwZl6r9
— Vijay Lokapally (@vijaylokapally) November 6, 2021
୨୦୧୮ରେ କ୍ରିକେଟ ଜଗତ ପ୍ରତି ତାଙ୍କର ଅବଦାନ ପାଇଁ ତାରକ ସିହ୍ନାଙ୍କୁ ଦ୍ରୋଣାଚାର୍ଯ୍ୟ ପୁରସ୍କାରରେ ସମ୍ମାନିତ କରାଯାଇଥିଲା। ସେ ୫ମ ଭାରତୀୟ କ୍ରିକେଟ କୋଚ ଭାବେ ଏହି ପୁରସ୍କାର ପାଇଥିଲେ। ତାଙ୍କ ପୂର୍ବରୁ ଦେଶ ପ୍ରେମ ଆଜାଦ, ଗୁରୁଚରଣ ସିଂହ, ରାମକାନ୍ତ ଆର୍ଚେକର ଓ ସୁନୀତା ଶର୍ମାଙ୍କୁ ଦ୍ରୋଣାଚାର୍ଯ୍ୟ ପୁରସ୍କାର ମିଳିଥିଲା।
ତାରକ ସିହ୍ନାଙ୍କ ଠାରୁ କ୍ରିକେଟ୍ ଶିଖିଥିବା ଖେଳାଳିଙ୍କ ତାଲିକା ବେଶ ଲମ୍ବା। କିନ୍ତୁ ତାଙ୍କର ୧୨ ଜଣ ଶିଷ୍ୟ ଦେଶ ପାଇଁ ଖେଳିବାର ଗୌରବ ଅର୍ଜନ କରିଥିଲେ। ସେମାନେ ହେଲେ ଋଷଭ ପନ୍ତ, ଆଶିଷ ନେହେରା, ଆକାଶ ଚୋପ୍ରା, ମନୋଜ ପ୍ରଭାକର, ସୁରିନ୍ଦର ଖାନ୍ନା, ରଣନ୍ଧୀର ସିଂହ, ରମଣ ଲମ୍ବା, ଅଜୟ ଶର୍ମା, କେ.ପି ଭାସ୍କର, ଅତୁଲ ୱାସନ, ସଞ୍ଜୀବ ଶର୍ମା ଓ ମହିଳା କ୍ରିକେଟର ଅଞ୍ଜୁମ ଚୋପ୍ରା।
ଶ୍ରୀ ସିହ୍ନା ଦିଲ୍ଲୀ ଟିମର କୋଚ୍ ଦାୟିତ୍ୱ ସମ୍ପାଦନ କରିଥିଲେ। ତାଙ୍କ କୋଚିଂ ସମୟରେ ଦିଲ୍ଲୀ ୧୯୮୫-୮୬ ରଣଜୀ ଟ୍ରଫି ଟାଇଟଲ ଜିତିଥିଲ। ୨୦୦୧-୦୨ରେ ତାଙ୍କୁ ଭାରତର ମହିଳା କ୍ରିକେଟ୍ ଦଳର ମୁଖ୍ୟ ପ୍ରଶିକ୍ଷକ କରାଯାଇଥିଲା। ମିତାଲି ରାଜ ଓ ଝୁଲଣ ଗୋସ୍ୱାମୀଙ୍କ ଭଳି ଖେଳାଳି ତାଙ୍କ ସମୟରେ ହିଁ ଅନ୍ତର୍ଜାତୀୟ କ୍ରିକେଟରେ ଡେବ୍ୟୁ କରିଥିଲେ।
Ustaad Ji is no more. Dronacharya Awardee. Coach to over a dozen India Test cricketers. And scores of first-class cricketers. Both men and women. Without any institutional help. Your service to Indian cricket will be remembered, sir. May your soul R.I.P.
Om Shanti 🙌🙏 pic.twitter.com/fDmvdJC8vZ— Aakash Chopra (@cricketaakash) November 6, 2021
ତାଙ୍କ ଅଧୀନରେ ଦଳ ଦକ୍ଷିଣ ଆଫ୍ରିକା ମାଟିରେ ପ୍ରଥମ ଟେଷ୍ଟ ଜିତିଥିଲା। ଏହାପରେ ଇଂଲଣ୍ଡକୁ ଘରୋଇ ମାଟିରେ ୪-୦ରେ ପରାସ୍ତ କରିଥିଲା। ୨୦୦୨ରେ ସେ ଦିଲ୍ଲୀ ଜୁନିୟର ଦଳର କୋଚ୍ ହୋଇଥିଲେ। ଏହି ସମୟରେ ଦିଲ୍ଲୀ ଅଣ୍ଡର-୧୫, ଅଣ୍ଡର-୧୯ ଓ ଅଣ୍ଡର-୨୨ ଟାଇଟଲ ଜିତିଥିଲା। ଏହି ସବୁ ସଫଳତା ହିଁ କ୍ରିକେଟ ପ୍ରତି ଥିବା ତାଙ୍କର ଭଲ ପାଇବାକୁ ଦର୍ଶାଇଉଛି। ତାଙ୍କ ବିୟୋଗରେ ଅନେକ ପୂର୍ବତନ କ୍ରିକେଟର ଓ ବିଶିଷ୍ଟ ବ୍ୟକ୍ତିବିଶେଷ ଗଭୀର ଶୋକ ପ୍ରକାଶ କରିଛନ୍ତି।
Dryonacharya awardee Tarak Sinhaji who gave Indian Cricket international stalwarts, first class heroes & a lot more is no more. He changed lives of many like me who came from small towns,without him I wouldn’t have been where I am today . Indian Cricket will miss you Ustad jee !! pic.twitter.com/RqvHTwlC0g
— Mithun Manhas!! (@MithunManhas) November 6, 2021
Players are just numbers for him! He has worked all his life to give exceptional international cricketers to the country! Finally, the wait is over and he has been awarded the much deserved Dronacharya Award! Congratulations Tarak Sinha sir! You're the best.😊😊😊🤗🤗 pic.twitter.com/yDwInRjRY0
— Rishabh Pant (@RishabhPant17) September 26, 2018