ଚେନ୍ନାଇ: ଚଳିତ ଆଇପିଏଲର ସବୁଠାରୁ ହାଇଭୋଲଟେଜ୍ ମ୍ୟାଚ୍ରେ ମୁହାଁମୁହିଁ ହେଉଛନ୍ତି ମୁମ୍ବାଇ ଇଣ୍ଡିଆନ୍ସ ଓ ଦିଲ୍ଲୀ କ୍ୟାପିଟାଲ୍ସ। ଦିଲ୍ଲୀକୁ ହରାଇ ମୁମ୍ବାଇ ୨୦୨୦ ଆଇପିଏଲ ଟ୍ରଫି ଜିତିଥିଲା। ତେଣୁ ଋଷଭ ପନ୍ତଙ୍କ ଦିଲ୍ଲୀ ଆଜି ଏହାର ବଦଲା ନେବାକୁ ଚେଷ୍ଟା କରିବ।
ଏହି ମ୍ୟାଚ୍ରେ ମୁମ୍ବାଇ ଅଧିନାୟକ ରୋହିତ ଶର୍ମା ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛନ୍ତି। ଏହାର ଅର୍ଥ ଦିଲ୍ଲୀ ପ୍ରଥମେ ବୋଲିଂ କରିବ। ଏଯାଏ ଉଭୟ ଦଳ ୩ଟି ଲେଖାଏ ମ୍ୟାଚ୍ ଖେଳି ୨ଟିରେ ବିଜୟ ହୋଇଥିବା ବେଳେ ଗୋଟିଏ ଲେଖାଏ ମ୍ୟାଚ୍ ହାରିଛନ୍ତି। ମୁମ୍ବାଇ ତା’ର ଶେଷ ମ୍ୟାଚ୍ରେ ସନରାଇଜର୍ସ ହାଇଦ୍ରାବାଦକୁ ପରାସ୍ତ କରିଥିଲା। ସେହିପରି ଦିଲ୍ଲୀ ପଞ୍ଜାବ କିଙ୍ଗସ ବିପକ୍ଷରେ ଦମଦାର ବିଜୟ ହାସଲ କରିଥିଲା। ତେଣୁ ଆଜି ଉଭୟ ଟିମ୍ ନିଜର ବିଜୟ ଟ୍ରେଣ୍ଡକୁ ଆଗକୁ ଜାରି ରଖିବାକୁ ଚେଷ୍ଟା କରିବେ।
Rohit Sharma calls it right at the toss and elects to bat first against the #DelhiCapitals in Chennai.
Follow the game here - https://t.co/XxDr4f4nPU #VIVOIPL #DCvMI pic.twitter.com/TMuusCUC1G
— IndianPremierLeague (@IPL) April 20, 2021
ମୁମ୍ବାଇ ତା’ର ଚୂଡ଼ାନ୍ତ ଏକାଦଶରେ ଗୋଟିଏ ପରିବର୍ତ୍ତନ କରିଛି। ବିଦେଶୀ ଖେଳାଳି ଆଡାମ ମିଲନେଙ୍କ ବଦଳରେ ଭାରତୀୟ ସ୍ପିନର ଜୟନ୍ତ ଯାଦବଙ୍କୁ ସୁଯୋଗ ମିଳିଛି। ଏହାର ଅର୍ଥ ମୁମ୍ବାଇ ଆଜି ୩ ଜଣ ବିଦେଶୀ ଖେଳାଳିଙ୍କୁ ନେଇ ମୈଦାନକୁ ଓହ୍ଲାଇବ।
ସେହିପରି ଦିଲ୍ଲୀ କ୍ୟାପିଟାଲ୍ସ ତା’ର ଚୂଡ଼ାନ୍ତ ଏକାଦଶରେ ଦୁଇଟି ପରିବର୍ତ୍ତନ କରିଛି। ମେରିୱାଲାଙ୍କ ବଦଳରେ ଅମିତ ମିଶ୍ରା ଓ କ୍ରିସ ୱକ୍ସଙ୍କ ବଦଳରେ ବିସ୍ଫୋରକ ଶିମରନ ହେଟମେୟରଙ୍କୁ ପ୍ଲେଇଂ ୧୧ରେ ସାମିଲ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
