ଅହମ୍ମଦାବାଦ: ଆଜିଠୁ ଆରମ୍ଭ ହୋଇଛି ଭାରତ-ୱେଷ୍ଟଇଣ୍ଡିଜ୍ ଦିନିକିଆ ସିରିଜ୍। ଅହମ୍ମଦାବାଦରେ ଖେଳା ଯାଉଛି ପ୍ରଥମ ମ୍ୟାଚ୍। ଟସ୍ ଜିତିଟିମ୍ ଇଣ୍ଡିଆ ପ୍ରଥମେ ଫିଲ୍ଡିଂ କରିବାକୁ ନିଷ୍ପତ୍ତି ନେଇଥିବା ବେଳେ ୱେଷ୍ଟଇଣ୍ଡିଜ୍ ବ୍ୟାଟିଂ କରୁଛି। ତେବେ ଆଜି ମ୍ୟାଚ୍ରେ ସ୍ୱର ସାମ୍ରାଜ୍ଞୀ ଭାରତରତ୍ନ ଲତା ମଙ୍ଗେଶକରଙ୍କୁ ସମ୍ମାନ ଜଣାଇ ବାହୁରେ କଳାଫିତା ପିନ୍ଧିଛନ୍ତି ଟିମ୍ ଇଣ୍ଡିଆର ସମସ୍ତ ସଦସ୍ୟ।
ବିସିସିଆଇ ପକ୍ଷରୁ ଏନେଇ ଏକ ଟ୍ୱିଟ୍ କରାଯାଇଥିବା ବେଳେ ଏଥିରେ ଆହୁରି ଲେଖା ହୋଇଛି ଯେ ଲତା ଦିଦି କ୍ରିକେଟ୍କୁ ଭଲ ପାଉଥିଲେ। ସେ ସବୁବେଳେ କ୍ରିକେଟ୍ ଓ ଟିମ୍ ଇଣ୍ଡିଆକୁ ସମର୍ଥନ କରୁଥିଲେ।
The Indian Cricket Team is wearing black armbands today to pay their respects to Bharat Ratna Lata Mangeshkar ji who left for her heavenly abode on Sunday morning. The queen of melody, Lata didi loved cricket, always supported the game and backed Team India. pic.twitter.com/NRTyeKZUDc
— BCCI (@BCCI) February 6, 2022
ଏହି ଟ୍ୱିଟ୍ କରିବା ପୂର୍ବରୁ ଆଉ ଏକ ଟ୍ୱିଟ୍ରେ ବିସିସିଆଇ ଲତା ମଙ୍ଗେଶକରଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲା।
The BCCI joins the nation in mourning the loss of Bharat Ratna Smt. Lata Mangeshkar ji. The queen of melody enthralled the country for decades. An avid follower of the game and an ardent supporter of Team India, she helped create an awareness using music as a medium.#RIPLataji pic.twitter.com/BSfDb9YnYC
— BCCI (@BCCI) February 6, 2022
ସୂଚନାଯୋଗ୍ୟ, ଭାରତ ଆଜି ତା’ର ୧୦୦୦ତମ ଦିନିକିଆ ମ୍ୟାଚ୍ ଖେଳୁଛି। କ୍ରିକେଟ୍ ଇତିହାସରେ ଏହା ପ୍ରଥମ। ଅନ୍ୟ କୌଣସି ଦେଶ ଏଯାବତ୍ ୧୦୦୦ଟି ଦିନିକିଆ ଖେଳି ନାହାନ୍ତି। ଚଳିତ ସିରିଜ୍ରେ ତିନିଟି ଦିନିକିଆ ମ୍ୟାଚ୍ ଖେଳା ହେବାକୁ ଥିବା ବେଳେ ସବୁଗୁଡ଼ିକ ଅହମ୍ମଦାବଦରେ ହିଁ ଖେଳା ଯିବ।