ଚେନ୍ନାଇ: ଆଇଏସ୍ଏଲ୍ ଚାମ୍ପିଅନ୍ ହୋଇଥିବା ଚେନ୍ନାୟାନ୍ ଏଫ୍ସି ସହ ଚୁକ୍ତିଭୁକ୍ତ ହୋଇଛନ୍ତି ଇଟାଲିର ଫରୱାଡ ଦିଭିଦେ ସୁସି ଓ ମୌରିଜିଓ ପେଲୁସୋ। ପରବର୍ତ୍ତୀ ସଂସ୍କରଣ ପୂର୍ବରୁ ଏହି ଦଳ ସହ ଚୁକ୍ତି କରିଛନ୍ତି ଇଟାଲିର ଏ ଦୁଇ ଅଭିଜ୍ଞ ଖେଳାଳି।
ଇଟାଲିଆନ୍ ସିରି ବି ଆଉଟ୍ଫିଟ୍ ‘ସେସେନା’ ସହ ଚୁକ୍ତି ଶେଷ ହେବା ପରେ ଇଟାଲିର ଫରୱାଡ ଦିଭିଦେ ସୁସି ଚୁକ୍ତିଭୁକ୍ତ ହୋଇଥିବା ବେଳେ ଇଟାଲିର ସିରି ଡି କ୍ଲବ୍ ଆଲ୍ଟୋଭିସେଣ୍ଟିନୋ ଦଳ ଛାଡି ଆଜି ୩୧ ବର୍ଷୀୟ ପେଲୁସୋ ଚୁକ୍ତିଭୁକ୍ତ ହୋଇଛନ୍ତି।
ଚେନ୍ନାୟାନ୍ ଦଳରେ ଯୋଗ ଦେଇ ଉଭୟ ଖେଳାଳି ଖୁସିବ୍ୟକ୍ତ କରିଛନ୍ତି। ଦଳକୁ ଶୀର୍ଷକୁ ନେବାକୁ ପ୍ରୟାସ କରିବେ ବୋଲି ଦୁହେଁ କହିଛନ୍ତି।
ଚେନ୍ନାୟାନ ମ୍ୟାନେଜର ମାର୍କୋ ମେଟେରାଜ୍ କହିଛନ୍ତି,“ସୁସିଙ୍କ ଶ୍ରେଣୀ ଓ ଅଭିଜ୍ଞତା ଏବଂ ପେଲୁସୋଙ୍କ ଗୁଣବତ୍ତା ଓ ଚଞ୍ଚଳତା ଆମ ପାଇଁ ଗୁରୁତ୍ୱପୂର୍ଣ୍ଣ। ଆଶା କରୁଛି ଏମାନେ ଦଳକୁ ପୁଣି ଥରେ ଚାମ୍ପିଅନ୍ କରିବେ।”