ହକି ଇଣ୍ଡିଆ ଲିଗ୍: ଆଜି କଳିଙ୍ଗ ଲାନସର୍ସ ଓ ପଞ୍ଜାବ ୱାରିୟର୍ସ ମୁକାବିଲା

ଭୁବନେଶ୍ୱର: ହକି ଇଣ୍ଡିଆ ଲିଗରେ ଆଜି କଳିଙ୍ଗ ଲାନସର୍ସ ଓ ପଞ୍ଜାବ ୱାରିୟର୍ସ ମଧ୍ୟରେ ମୁକାବିଲା ହେବ। ଉଭୟ ଦଳ ଟୁର୍ଣ୍ଣାମେଣ୍ଟର ସେମି ଫାଇନାଲ ଦୌଡରେ ଥିବାରୁ ଆଜିର ମ୍ୟାଚ ଉଭୟ ଦଳ ପାଇଁ ଗୁରୁତ୍ୱପୁର୍ଣ୍ଣ। ଜେପି ୱାରିୟର୍ସର ହୋମ ଗ୍ରାଉଣ୍ଡ ଚଣ୍ଡିଗଡ଼ରେ ଏହି ମ୍ୟାଚ୍ ଖେଳାଯିବ। ଗତ ୭ ତାରିଖରେ କଳିଙ୍ଗ ଷ୍ଟାଡିୟମରେ ହୋଇଥିବା ମୁକାବିଲାରେ ପଞ୍ଜାବ ଦଳ ଲାନସର୍ସକୁ ପରାଜିତ କରିଥିଲା। ତେଣୁ ଆଜିର ମ୍ୟାଚ ବିଜୟୀ ହୋଇ ପରାଜୟ ପ୍ରତିଶୋଧ ନେବା ସହ ସେମିରେ ସ୍ଥାନ ସୃଷ୍ଟି କରିବାକୁ ଲାନସର୍ସ ଦଳ ଚାହିଁବ। ଆଜିର ମ୍ୟାଚ୍ ବିଜୟୀ ହେଲେ  କିଳଙ୍ଗ ଲାନସର୍ସ ଦଳ ପାଇଁ ସେମି ଫାଇନାଲ ଖେଳିବା ଲାଗି ସୁଯୋଗ ସୃଷ୍ଟି ହେବା ସମ୍ଭାବନା ରହିଛି।