ପୁଣେ: ୱେଷ୍ଟଇଣ୍ଡିଜ୍ ବିପକ୍ଷରେ ଲଗାତାର ଦୁଇ ଦୁଇଟି ହାଇ ସ୍କୋରିଂ ମ୍ୟାଚ୍ ପରେ ଭାରତ ଦୁଇ ପ୍ରମୁଖ ବୋଲର ଭୁବନେଶ୍ୱର କୁମାର ଏବଂ ଯଶପ୍ରୀତ୍ ବୁମ୍ରାଙ୍କ ସହିତ ତୃତୀୟ ଦିନିକିଆରେ ଓହ୍ଲାଇଛି। ଏହି ମ୍ୟାଚ୍ରେ ଟସ୍ ଜିତି ବୋଲିଂ ନିଷ୍ପତ୍ତି ନେଇଛନ୍ତି ଅଧିନାୟକ ବିରାଟ କୋହଲି।
The #MenInBlue are all geared up for the 3rd ODI.
Will they make it 2-0 against the Windies today?#INDvWI pic.twitter.com/fkBeCOSNVg
— BCCI (@BCCI) 27 October 2018
ଗୁଆହାଟୀର ପ୍ରଥମ ମ୍ୟାଚ୍ରେ ୮ ୱିକେଟ୍ର ବିଜୟ ଯାତ୍ରାରେ ବିଶାଖାପଟନମ୍ର ମ୍ୟାଚ୍ ଟାଇ ବିରାମ ସ୍ୱରୂପ ହୋଇଥିଲା। ଉଭୟ ମ୍ୟାଚ୍ରେ ୩୨୦ରୁ ଊର୍ଦ୍ଧ୍ୱ ସ୍କୋର ନିଶ୍ଚୟ ଭୁବି ଏବଂ ବୁମ୍ରାଙ୍କ ଅନୁପସ୍ଥିତିର ଅନୁଭବ ଆଣୁଥିଲା। ପ୍ରଥମ ପାୱାରପ୍ଲେ ଏବଂ ଡେଥ୍ ଓଭର ବେଳକୁ ଇଣ୍ଡିଜ୍ର ରନ୍ଭୋଜିରୁ ଏକଥା ସ୍ପଷ୍ଟ ଅନୁମାନ କରିହେଉଥିଲା।
ଶେଷ ଖବର ସୁଦ୍ଧା ଇଣ୍ଡିଜ୍ର ଇନିଂସ୍ ଆରମ୍ଭ ହୋଇଛି ଏବଂ ଚିରାଚରିତ ଭାବେ କିରନ୍ ପାୱେଲ୍ ଏବଂ ଚନ୍ଦରପଲ୍ ହେମ୍ରାଜ୍ ଇନିଂସ୍ ଆରମ୍ଭ କରିଛନ୍ତି। ବର୍ତ୍ତମାନ ଭାରତ ୧-୦ରେ ଆଗୁଆ ଥିବାରୁ ଏହି ମ୍ୟାଚ୍ରେ ବିଜୟ ଲାଭ କଲେ ସିରିଜ୍ରେ ଭାରତର ସ୍ଥିତି ମଜମୁତ ହେବ। ଅନ୍ୟପକ୍ଷରେ ଇଣ୍ଡିଜ୍ ଜିତିଲେ ସିରିଜ୍ର ସ୍ଥିତି ୧-୧କୁ ଚାଲିଆସିବ। ପ୍ରଥମ ମ୍ୟାଚ୍ରେ ସ୍ଥାନ ପାଇ ମାତ୍ର ଗୋଟିଏ ୱିକେଟ୍ ନେଇପାରିଥିବା କେ ଖାଲିଲ୍ ଅହମ୍ମଦ ମଧ୍ୟ ଆଜିର ମ୍ୟାଚ୍ରେ ସ୍ଥାନ ପାଇଛନ୍ତି।