ତାଶକେଣ୍ଟ(ଉଜବେକିସ୍ତାନ): ଭାରତର ଜୁନିୟର ଫୁଟବଲ ଟିମ୍ ଆୟୋଜକ ଉଜବେକିସ୍ତାନ ବିପକ୍ଷ ମୁକାବିଲା ୧-୧ ଗୋଲରେ ଡ୍ର' ରଖି ଆସନ୍ତାବର୍ଷ ବାହାରିନରେ ହେବାକୁଥିବା ଏଏଫସି ଅଣ୍ଡର୍-୧୬ ଚାମ୍ପିୟନଶିପ୍ ପାଇଁ କ୍ୱାଲିଫାଏ କରିଛି।
ଭାରତୀୟ ଟିମ୍ ତିନୋଟି ମ୍ୟାଚରୁ ୭ ପଏଣ୍ଟ ହାସଲ କରି ଉଜବେକିସ୍ତାନ ସହ ବରାବରରେ ରହିଛି। କିନ୍ତୁ ଉନ୍ନତ ଗୋଲ୍ ବ୍ୟବଧାନ ଯୋଗୁ ଭାରତ ଶୀର୍ଷରେ ରହିଛି। ଭାରତର ଗୋଲ ବ୍ୟବଧାନ ୧୦ ରହିଥିବା ବେଳେ ଉଜବେକିସ୍ତାନର ୩ ରହିଛି। ଭାରତ ଏହା ପୂର୍ବରୁ ଟୁର୍ଣ୍ଣାମେଣ୍ଟରେ ତୁର୍କମେନିସ୍ତାନ ଏବଂ ବାହାରିନକୁ ସମାନ ୫-୦ ଗୋଲରେ ହରାଇଥିଲା।
ଭାରତକୁ କ୍ୱାଲିଫାଏ କରିବା ପାଇଁ କେବଳ ଡ୍ର'ର ଆବଶ୍ୟକ ହେଉଥିଲା। ଆଜି ମ୍ୟାଚରେ ଭାରତ ପକ୍ଷରୁ ଶ୍ରୀଦାର୍ଥ ନଙ୍ଗମେଇକାପାମ ୬୬ତମ ମିନିଟରେ ଗୋଲ୍ ଦେଇ ନିଜ ଟିମକୁ ୧-୦ରେ ଆଗୁଆ କରାଇଥିଲେ। ତେବେ ୮୧ତମ ମିନିଟରେ ଘରୋଇ ଦଳର ରିଆନ୍ ଇସଲାମୋଭ ଗୋଲ ଦେଇ ମ୍ୟାଚକୁ ୧-୧ରେ ବରାବର କରିଥିଲେ। ଭାରତ ଲଗାତାର ତୃତୀୟ ଏବଂ ମୋଟ ନବମଥର ପାଇଁ ଅଣ୍ଡର୍-୧୬ ଚାମ୍ପିୟନଶିପକୁ କ୍ୱାଲିଫାଏ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
