କିଙ୍ଗଷ୍ଟନ୍: ଭାରତ ଓ ୱେଷ୍ଟଇଣ୍ଡିଜ୍ ମଧ୍ୟରେ ଦୁଇମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ଦ୍ୱିତୀୟ ମ୍ୟାଚ୍ ଆରମ୍ଭ ହୋଇଛି। ମ୍ୟାଚରେ ୱେଷ୍ଟଇଣ୍ଡିଜ୍ କ୍ୟାପଟେନ୍ ଜେସନ୍ ହୋଲ୍ଡର ପୁଣିଥରେ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି।
ଆମନ୍ତ୍ରଣ ପାଇ ପ୍ରଥମେ ବ୍ୟାଟିଂ କରିଥିବା ଟିମ୍ ଇଣ୍ଡିଆକୁ ପ୍ରାରମ୍ଭିକ ଝଟକା ଲାଗିଛି। ଓପନିଂ ବ୍ୟାଟ୍ସମ୍ୟାନ୍ ଲୋକେଶ ରାହୁଲ ୧୪ ରନ୍ କରିଥିବା ବେଳେ ଘରୋଇ ଦଳର କ୍ୟାପଟେନ୍ ହୋଲ୍ଡରଙ୍କ ବଲରେ ଆଉଟ୍ ହୋଇ ପ୍ୟାଭିଲିୟନ୍ ଫେରିଛନ୍ତି। ରିପୋର୍ଟ ଲେଖା ହେଲା ବେଳକୁ ଭାରତ ୭ ଓଭରରେ ୧ ୱିକେଟ୍ ହରାଇ ୩୨ ରନ୍ କରିଛି। ରାହୁଲ ମୟଙ୍କ ୧୪ ଓ ଚେତେଶ୍ୱର ପୂଜାରା ବିନା କୌଣସି ରନରେ ବ୍ୟାଟିଂ କରୁଛନ୍ତି।
ଏହି ମ୍ୟାଚ୍ ପାଇଁ ଭାରତୀୟ ଦଳ ଅପରିବର୍ତ୍ତିତ ରହିଛି। ତେବେ ୱେଷ୍ଟଇଣ୍ଡିଜ୍ ଦଳରେ ଦୁଇଟି ପରିବର୍ତ୍ତନ କରାଯାଇଛି। ୧୪୦ କେଜି ଓଜନ ବିଶିଷ୍ଟ ରାହକୀମ କର୍ନୱାଲ୍ ଏହି ମ୍ୟାଚ୍ ଜରିଆରେ ଅନ୍ତର୍ଜାତୀୟ ଟେଷ୍ଟ ପଦାର୍ପଣ କରିଛନ୍ତି । ସେ ମିଜୁଏଲ କମିନ୍ସଙ୍କ ସ୍ଥାନରେ ସାମିଲ୍ ହୋଇଛନ୍ତି। ସେହିପରି ଅନଫିଟ୍ ୱିକେଟକିପର ଶାଇ ହୋପଙ୍କ ବଦଳରେ ଜେହମାର୍ ହାମିଲଟନଙ୍କୁ ସ୍ଥାନ ମିଳିଛି।