ଭାଇଜାଗ: ଦକ୍ଷିଣ ଆଫ୍ରିକାର ଓପନିଂ ବ୍ୟାଟ୍ସମ୍ୟାନ୍ ଡିନ୍ ଏଲଗାର ଭାରତ ବିପକ୍ଷ ପ୍ରଥମ ଟେଷ୍ଟରେ ଆକର୍ଷଣୀୟ ଶତକ ମାରି ରେକର୍ଡ କରିଛନ୍ତି। ଏଲଗାର୍ ଦକ୍ଷିଣ ଆଫ୍ରିକାର ପ୍ରଥମ ବ୍ୟାଟ୍ସମ୍ୟାନ୍ ଭାବେ ୯ ବର୍ଷ ପରେ ଭାରତରେ ଶତକ ମାରିବାର ଗୌରବ ଅର୍ଜନ କରିଛନ୍ତି।
ଦକ୍ଷିଣ ଆଫ୍ରିକା ଇନିଂସର ୬୦ତମ ଓଭରରେ ଏଲଗାର୍ ନିଜର ଦ୍ୱାଦଶ ଶତକ ପୂରଣ କରିଥିଲେ। ତାଙ୍କ ପୂର୍ବରୁ ୨୦୧୦ରେ ହାଶିମ୍ ଆମଲା ଭାରତ ଗସ୍ତରେ ଶେଷଥର ପାଇଁ ଶତକ ମାରିଥିଲେ। ତେବେ ୨୦୧୨ରେ ଅଷ୍ଟ୍ରେଲିଆ ବିପକ୍ଷରେ ଡେବ୍ୟୁ କରିଥିବା ଏଲଗାର ନିଜର ପ୍ରଥମ ଦୁଇଟି ଇନିଂସରେ ଖାତା ଖୋଲିପାରିନଥିଲେ। କିନ୍ତୁ ଏହା ପରେ ସେ ନିୟମିତ ରନ୍ ସଂଗ୍ରହ କରି ଦକ୍ଷିଣ ଆଫ୍ରିକା ଟିମରେ ନିଜ ସ୍ଥାନ ପକ୍କା କରିଥିଲେ।
ଆଜି ତାଙ୍କର ଏହି ଶତକ ବଳରେ ଦକ୍ଷିଣ ଆଫ୍ରିକା ପ୍ରଥମ ଇନିଂସରେ ଭାରତକୁ ଦୃଢ଼ ଜବାବ ଦେଇଛି। କିନ୍ତୁ ସେ ଶତକକୁ ଦ୍ୱିଶତକରେ ପରିଣତ କରିପାରିନାହାନ୍ତି। ସେ ୧୬୨ (୨୮୭ ବଲ୍, ୧୮ ଚୌକା, ୪ ଛକା) ରନ୍ କରି ରବୀନ୍ଦ୍ର ଜାଡେଜାଙ୍କ ବଲରେ ଆଉଟ୍ ହୋଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
