ନୂଆଦିଲ୍ଲୀ: ଫଟାଫଟ୍ କ୍ରିକେଟ୍ ଆଇପିଏଲ୍ର ଉଦ୍ଘାଟନୀ ଉତ୍ସବ ଆଉ ରଙ୍ଗାରଙ୍ଗ ହେବନି। ପ୍ରତିଟି ସଂସ୍କରଣରେ ଦର୍ଶକମାନେ ଆଇପିଏଲ୍ର ଗ୍ରାଣ୍ଡ ଓପନିଂରେ ବଲିଉଡ୍ କଳାକାରଙ୍କ ନାଚଗୀତର ମଜା ନିଅନ୍ତି। ତେବେ ଏ ବାବଦରେ ବିସିସିଆଇ ଖର୍ଚ୍ଚ କରୁଥିବା ଅର୍ଥକୁ ଏଥର ଏକ ମହାନ କାମରେ ଲଗାଯିବ।
ଆଇପିଏଲ୍ ଉଦ୍ଘାଟନୀ ଉତ୍ସବ ପାଇଁ ଖର୍ଚ୍ଚ ଅର୍ଥକୁ ଏଥର ବିସିସିଆଇ ପୁଲୱାମା ହମ୍ଲାରେ ସହିଦ ଯବାନଙ୍କ ପରିବାର ଲୋକଙ୍କୁ ଦେବ।
ଏ ସମ୍ପର୍କରେ ସିଓଏ ଅଧ୍ୟକ୍ଷ ବିନୋଦ ରାଏ ଘୋଷଣା କରିଛନ୍ତି। ସେ କହିଛନ୍ତି, “ଆଇପିଏଲ୍ର ଉଦ୍ଘାଟନୀ ପାଇଁ ବିସିସିଆଇ ବିପୁଳ ପାରିମାଣର ଅର୍ଥ ଖର୍ଚ୍ଚ କରେ। ହେଲେ ଏଥର ଅଧିକ ଟଙ୍କା ଖର୍ଚ୍ଚ ହେବନି। ଏବାବଦରେ ବଳୁଥିବା ଅର୍ଥକୁ ସହିଦ ଯବାନଙ୍କ ପରିବାର ଲୋକଙ୍କୁ ଦିଆଯିବ। ”
ଫେବୃଆରୀ ୧୪ ପ୍ରେମ ଦିବସରେ ପାକିସ୍ତାନ ପ୍ରାୟୋଜିତ ଆତଙ୍କବାଦୀ ସଂଗଠନ ସୁରକ୍ଷାକର୍ମୀଙ୍କୁ ଟାର୍ଗେଟ କରି ଆତ୍ମଘାତୀ ଆକ୍ରମଣ କରିଥିଲା। ଏଥିରେ ୪୦ ଜଣ ଯବାନ ସହିଦ ହୋଇଥିଲେ।