ପାଣାଜୀ:ଇଣ୍ଡିଆନ୍ ସୁପର ଲିଗ୍ର ତୃତୀୟ ସଂସ୍କରଣରେ ଏଫ୍ସି ଗୋଆ ଦଳରେ ପୁଣି ଥରେ ଚୁକ୍ତିଭୁକ୍ତ ହୋଇଛନ୍ତି ସ୍ପେନର ମିଡଫିଲ୍ଡର ଜାଫ୍ରେ ମେଟେଉ। ମଙ୍ଗଳବାର ଏହି ସୂଚନା ଦେଇଛି ଗୋଆ ଦଳ।
୩୬ ବର୍ଷୀୟ ଏହି ମିଡଫିଲ୍ଡର ଜଣକ ଲଗାତାର ଦ୍ୱିତୀୟ ବର୍ଷ ପାଇଁ ଗୋଆ ସହ ଚୁକ୍ତିଭୁକ୍ତ ହୋଇଛନ୍ତି। ଗତ ବର୍ଷ ଏହି ଖେଳାଳି ଜଣକ ଦଳ ପକ୍ଷରୁ ଶ୍ରେଷ୍ଠ ପ୍ରଦର୍ଶନ କରିଥିଲେ।
ଏନେଇ ଜାଫ୍ରେ କହିଛନ୍ତି,“ପୁଣି ଥରେ ଏଫ୍ ସି ଗୋଆ ଦଳ ସହ ଚୁକ୍ତିଭୁକ୍ତ ହୋଇଥିବାରୁ ମୁଁ ବହୁତ ଖୁସି ଅନୁଭବ କରୁଛି। ଗତବର୍ଷ ଏହି ଦଳରେ ରହି ମତେ ବହୁତ କିଛି ଶିଖିବାକୁ ମିଳିଥିଲା। ଆମେ ସବୁ ଟିମ୍ ସ୍ପିରିଟ୍ରେ ଖେଳି ଭଲ ପ୍ରଦଶର୍ନ କରିଥିଲୁ। ଏଥର ମଧ୍ୟ ଆମେ ଭଲ କରିବୁ ବୋଲି ମୁଁ ଆଶା କରୁଛି।”