କାନ୍ବେରା: ଅଷ୍ଟ୍ରେଲିଆର ମୁଖ୍ୟ କୋଚ୍ ଡ୍ୟାରେନ୍ ଲେହମ୍ୟାନ୍ନ୍ଙ୍କ କାର୍ଯ୍ୟକାଳ ଆସନ୍ତା ୨୦୧୯ ଯାଏଁ ବୃଦ୍ଧି କରିଛି ଅଷ୍ଟ୍ରେଲିଆ କ୍ରିକେଟ ବୋର୍ଡ।
ଆସନ୍ତାବର୍ଷ ଭାରତ ଗସ୍ତରେ ଆସିବାକୁ ଥିବା ଅଷ୍ଟ୍ରେଲିଆ ଦଳକୁ ବିଜୟ ଦେବେ ବୋଲି ସେ କହିଛନ୍ତି। ଦଳର ଦୋଷ ଓ ତ୍ରୁଟିକୁ ନିରୀକ୍ଷଣ କରି ପ୍ରଦର୍ଶନ କିପରି ଉନ୍ନତି ହେବ ତା’ଉପରେ ସେ ପ୍ରାଧାନ୍ୟ ଦେବେ ବୋଲି କହିଛନ୍ତି।
ଅଷ୍ଟ୍ରେଲିଆ ଗତ ୭ଟି ଟେଷ୍ଟ ମ୍ୟାଚ୍ରେ ପରାଜିତ ହୋଇଛି। ଏହାମଧ୍ୟରେ ଗତ ସପ୍ତାହରେ ଶ୍ରୀଲଙ୍କାଠାରୁ ୧୦୬ ରନ୍ରେ ପରାଜୟ ରହିଛି। ଦଳ ବିଜୟ ଧାରାକୁ କିପରି ଫେରିବ ଏଥିପାଇଁ ସ୍ୱତନ୍ତ୍ର ରଣନୀତି ପ୍ରସ୍ତୁତ କରାଯିବ ବୋଲି ସେ କହିଛନ୍ତି।
୨୦୧୩ରେ ଲେହମାନ ଅଷ୍ଟ୍ରେଲିଆ ଦଳର ମୁଖ୍ୟ କୋଚ୍ ଭାବେ ଦାୟିତ୍ୱ ନେଇଥିଲେ। ସେହି ବର୍ଷ ଇଂଲଣ୍ଡରେ ଆସେସ୍ ସିରିଜ୍ ଓ ଆଇସିସି ବିଶ୍ୱକପ୍ରେ ଦଳ ଭଲ ପ୍ରଦର୍ଶନ କରିଥିଲା ଦଳ। ଆସନ୍ତା ବର୍ଷ ଜାନୁଆରୀ-ଫେବ୍ରୁଆରୀରେ ଅଷ୍ଟ୍ରେଲିଆ ଭାରତରେ ୪ଟି ଟେଷ୍ଟ ମ୍ୟାଚ୍ ଖେଳିବ।