ପ୍ରାକ୍ଟିସ୍‌ ଛାଡି ପ୍ରଶଂସକଙ୍କ ସହ ‘ହାଏ-ଫାଏ’ ଖେଳରେ ମାତିଗଲେ ଧୋନି

<p>ମୁମ୍ବାଇ: ଆଉ ୭ ଦିନ ପରେ ଆରମ୍ଭ ହେବ ଆଇପିଏଲ୍&zwnj;ର ଧମାକା। ଏବେ ସବୁ ଟିମ୍&zwnj; ନିଜ ନିଜ ପ୍ରସ୍ତୁତିରେ ବେସ୍ତ। ସବୁ ଖେଳାଳି ଜୋରଦାର ପ୍ରାକ୍ଟିସ୍&zwnj; ଚଳାଛନ୍ତି। ଚେନ୍ନାଇ ସୁପର କିଙ୍ଗର ଖେଳାଳି ମଧ୍ୟ ପ୍ରାକ୍ଟିସ୍&zwnj;ରେ ବ୍ୟସ୍ତ ଅଛନ୍ତି। ଶନିବାର ଟିମ୍&zwnj; ମେମ୍ବରମାନେ ପ୍ରାକ୍ଟିସ୍&zwnj; କରିବା ବେଳେ ଦେଖିବାକୁ ମିଳିଥିଲା ଏକ ଅଦ୍ଭୁତ ଦୃଶ୍ୟ। ଯାହା କ୍ରିକେଟ୍&zwnj; ଜଗତରେ ଚହଳ ପକାଇଛି। ଏହାର ଭିଡିଓ ସୋସିଆଲ ମିଡିଆରେ ସେୟାର ହେବା ପରେ କ୍ରିକେଟ୍&zwnj; ପ୍ରେମୀଙ୍କ ପାଖରୁ ପ୍ରଶଂସା ସାଉଁଟିବାରେ ଲାଗିଛି। ଏହି ଭିଡିଓରେ ଦେଖିବାକୁ ମିଳୁଛି ଚେନ୍ନାଇ ସୁପର କିଙ୍ଗର ଅଧିନାୟକ ମହେନ୍ଦ୍ର ସିଂହ ଧୋନିଙ୍କୁ। ହେଲେ ଧୋନିଙ୍କ ସହ ଯିଏ ଏହି ଭିଡିଓରେ ଅଛି ସେ ସମସ୍ତଙ୍କ ମନ ଜିଣିବାରେ ଲାଗିଛନ୍ତି। ଭିଡିଓରେ ଧୋନିଙ୍କ ସହ ଅଛନ୍ତି ଜଣେ ଶିଶୁ। ସେ ଧୋନିଙ୍କ ବଡ଼ ପ୍ରଶଂସକ।</p> <p>ଧୋନି ପ୍ରାକ୍ଟିସ କରୁଥିବା ବେଳେ ତାଙ୍କ ପାଖରେ ଆସି ପହଞ୍ଚି ଯାଇଥିଲେ ଶିଶୁ ପ୍ରଶଂସକ। ତାଙ୍କୁ ଦେଖି ପଡ଼ିଆରେ ଥିବା ଅନ୍ୟ ଖେଳାଳି ଓ ଷ୍ଟାଫ୍&zwnj; ଆଶ୍ଚର୍ଯ୍ୟ ହୋଇଯାଇଥିଲେ। କାରଣ ପ୍ରଶଂସକ ଜଣକ କୌଣସି ଯୁବକଯୁବତୀ କି ବୟସ୍କ ଲୋକ ନଥିଲେ। ଥିଲେ ଜଣେ କୁନି ପ୍ରଶଂସକ।</p> <p>ସମସ୍ତେ ଆଶ୍ଚର୍ଯ୍ୟ ଚକିତ ହୋଇ ଅନାଇଥିଲେ, ହେଲେ ଧୋନି ତାଙ୍କ କୁନି ପ୍ରଶଂସକଙ୍କ ସହ ଖେଳିବା ଆରମ୍ଭ କରିଦେଇଥିଲେ। ସେ ଶିଶୁଟି ସହ &lsquo;ହାଏ-ଫାଏ&rsquo; ଖେଳରେ ମାତି ଗଲେ ଓ ତାକୁ ଚକମା ଦେବାକୁ ଲାଗିଲେ।</p> <p>ଧୋନି ଓ ଏହି କୁନି ପ୍ରଶଂସକଙ୍କ ଖେଳ ବେଳର ଦୃଶ୍ୟକୁ ଚେନ୍ନାଇ ସୁରପକିଙ୍ଗର ଟ୍ୱିଟର ପେଜ୍&zwnj;ରେ ପୋଷ୍ଟ କରାଯାଇଛି। ଯାହାକୁ ବର୍ତ୍ତମାନ ସୁଦ୍ଧା ୩୦ ହଜାରରୁ ଅଧିକ ୟୁଜର ଦେଖି ସାରିଲେଣି।</p>