ୱେଲିଂଟନ୍: ୨୦୧୬-୧୭ ଓ ୨୦୧୭-୧୮ ବର୍ଷ ପାଇଁ ନ୍ୟୁଜିଲ୍ୟାଣ୍ଡ କ୍ରିକେଟ୍ ବୋର୍ଡ ନ୍ୟୁଜିଲ୍ୟାଣ୍ଡ ଟିମ୍ ପାଇଁ ଆନ୍ତର୍ଜାତିକ ମ୍ୟାଚ୍ ତାଲିକା ପ୍ରକାଶ କରିଛି। ଏହି ୨ ବର୍ଷରେ ନ୍ୟୁଜିଲ୍ୟାଣ୍ଡ ଟିମ୍ ୧୨ଟି ଟେଷ୍ଟ, ୨୮ ଦିନିକିଆ ଓ ୯ଟି ଟି-ଟ୍ୱେଣ୍ଟି ମ୍ୟାଚ୍ ଖେଳିବ।
ଦଳ ୨୦୧୬-୧୭ ସିଜିନ୍ରେ ମୋଟ ୭ଟି ଟେଷ୍ଟ, ୧୧ଟି ଦିନିକିଆ ଓ ୪ଟି ଟି-ଟ୍ୱେଣ୍ଟି ମ୍ୟାଚ୍ ଖେଳିବ। ପାକିସ୍ତାନ ଓ ବାଂଲାଦେଶ ସହ ଦଳ ୨ଟି ଲେଖାଏଁ ଓ ଦକ୍ଷିଣ ଆଫ୍ରିକା ବିରୋଧରେ ୩ଟି ଟେଷ୍ଟ ଖେଳିବ। ଟିମ୍ ଚାପେଲ-ହେଡଲି ଦିନିକିଆ ସିରିଜରେ ଅଷ୍ଟ୍ରେଲିଆ ବିରୋଧରେ ୩ଟି ଦିନିକିଆ ଆକ୍ଲ୍ୟାଣ୍ଡ, ନାପିଅର ଓ ହେମିଲଟନ୍ରେ ଖେଳିବ। ଦକ୍ଷିଣ ଆଫ୍ରିକା ଟୁର୍ରେ ଦଳ ୩ଟି ଟେଷ୍ଟ, ୫ଟି ଦିନିକିଆ ଓ ଗୋଟିଏ ଟି-ଟ୍ୱେଣ୍ଟି ଖେଳିବ।
୨୦୧୭-୧୮ ସିଜିନ୍ରେ ଦଳ ୫ଟି ଟେଷ୍ଟ, ୧୭ଟି ଦିନିକିଆ ଓ ୫ଟି ଟି-ଟ୍ୱେଣ୍ଟି ମ୍ୟାଚ୍ ଖେଲିବ। ୨୦୧୭ ନଭେମ୍ବରରେ ୱେଷ୍ଟଇଣ୍ଡିଜ ଦଳ ନ୍ୟୁଜିଲ୍ୟାଣ୍ଡ ଗସ୍ତରେ ଆସି ୩ଟି ଟେଷ୍ଟ, ୫ଟି ଦିନିକିଆ ଓ ଗୋଟିଏ ଟି-ଟ୍ୱେଣ୍ଟି ମ୍ୟାଚ୍ ଖେଳିବ। ନ୍ୟୁଜିଲ୍ୟାଣ୍ଡ ପାକିସ୍ତାନ ସହ ୩ଟି ଟି-ଟ୍ୱେଣ୍ଟି ଓ ୫ଟି ଦିନିକିଆ ମ୍ୟାଚ୍ ଖେଲିବ। ଏହାସହ ଇଂଲଣ୍ଡ ସହ ଦଳ ୨ଟି ଟେଷ୍ଟ ଓ ୫ଟି ଦିନିକିଆ ମ୍ୟାଚ୍ ଖେଳିବ। ଆକ୍ଲ୍ୟାଣ୍ଡର ଇଡନ ପାର୍କରେ ଦୁଇ ଦଳ ମଧ୍ୟରେ ହେବାକୁ ଥିବା ଟେଷ୍ଟଟି ଦିବାରାତ୍ରି ହେବାର ସମ୍ଭାବନା ରହିଛି।