ଭୁବନେଶ୍ୱର(ଓଡ଼ିଶା ରିପୋର୍ଟର): ଚାଇନାର ଝେଜିଆଙ୍ଗର ୟୁହାଙ୍ଗ ହାଙ୍ଗଝୁରେ ଆଜିଠାରୁ ଆରମ୍ଭ ହୋଇଛି ଚାଇନା ପାରା-ବ୍ୟାଡମିଣ୍ଟନ୍ ଇଣ୍ଟରନ୍ୟାଶନାଲ୍ ଟୁର୍ଣ୍ଣାମେଣ୍ଟ। ଟୁର୍ଣ୍ଣାମେଣ୍ଟର ପ୍ରଥମ ଦିବସରେ ଓଡ଼ିଶାର ଷ୍ଟାର୍ ଶଟଲର ପ୍ରମୋଦ ଭଗତ ବିଜୟ ସହ ଶୁଭାରମ୍ଭ କରିଛନ୍ତି।
ପ୍ରମୋଦ ସିଙ୍ଗଲ୍ସ ପ୍ରଥମ ରାଉଣ୍ଡରେ ଚାଇନାର ଫାକ୍ସିନ୍ ଉ'ଙ୍କୁ ସିଧାସଳଖ ୨୧-୧୩, ୨୧-୧୬ ଗେମରେ ପରାସ୍ତ କରି ଦ୍ୱିତୀୟ ରାଉଣ୍ଡରେ ପ୍ରବେଶ କରିଛନ୍ତି। ସେହିପରି ଡବଲ୍ସରେ ପ୍ରମୋଦ ଓ ମନୋଜ ସରକାରଙ୍କ ଯୋଡ଼ି ପ୍ରଥମ ରାଉଣ୍ଡରେ ଇଣ୍ଡୋନେସିଆର ଆରି ଅଙ୍ଗାରା ଓ ଉକୁନ୍ ରୁକାଏଣ୍ଡିଙ୍କୁ ସିଧାସଳଖ ୨୧-୧୧, ୨୨-୧୮ ଗେମରେ ହରାଇଛନ୍ତି।
ଆସନ୍ତାକାଲି ପ୍ରମୋଦ ଉଭୟ ସିଙ୍ଗଲ୍ସ ଓ ଡବଲ୍ସର ଦ୍ୱିତୀୟ ରାଉଣ୍ଡ ମୁକାବିଲା ଖେଳିବେ। ସୂଚନାଯୋଗ୍ୟ, ୨୯ ତାରିଖ ପର୍ଯ୍ୟନ୍ତ ହେବାକୁଥିବା ଏହି ଟୁର୍ଣ୍ଣାମେଣ୍ଟରେ ମୋଟ ୧୩୯ଜଣ ଖେଳାଳି ଅଂଶଗ୍ରହଣ କରିଛନ୍ତି। ସେହିପରି ଭାରତରୁ ୧୭ଜଣ ଏବଂ ଓଡ଼ିଶାରୁ ଏକମାତ୍ର ଖେଳାଳି ଭାବେ ପ୍ରମୋଦ ଭାଗ ନେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
