ମୁମ୍ବାଇକୁ ଯେପରି ଭାବରେ ଦିଲ୍ଲୀ ଆଇପିଏଲ୍ରୁ ବିଦା କଲା ଠିକ୍ ସେହିପରି ଚେନ୍ନାଇ ଠାରୁ ହାରି ପଞ୍ଜାବର ତାର ଅଭିଯାନ ଶେଷ କରିଛି। ଚେନ୍ନାଇର ହୋମ ପିଚ୍ ପୁଣେ ଠାରେ ଖେଳାଯାଇଥିବା ମ୍ୟାଚ୍ରେ ପାଞ୍ଜାବକୁ ୫ ୱିକେଟ୍ରେ ହରାଇ ଚେନ୍ନାଇ ଦ୍ୱିତୀୟ ସ୍ଥାନ ସୁରକ୍ଷିତ କରିବା ସହ ପଞ୍ଚାବକୁ ପ୍ଲେଅଫରୁ ବଞ୍ଚିତ କରିଛି।
୧୫୪ ରନ୍କୁ ପିଛା କରି ୧୯.୧ ଓଭରରେ ୫ ୱିକେଟ୍ ହରାଇ ଜିତିନେଇଥିଲା ଚେନ୍ନାଇ। ଦଳ ପକ୍ଷରୁ ସୁରେଶ ରାଇନାଙ୍କ ବ୍ୟାଟ୍ରୁ ବିସ୍ଫୋରକ ବ୍ୟାଟିଂ ଦେଖିବାକୁ ମିଳିଥିଲା। ସେ ୪୮ ବଲ୍ରୁ ୬୧ ରନ୍ର ଅପରାଜିତ ଇଂନିସ ଖେଳିଥିଲେ।
ଏହି ବିଜୟ ସହ ଚେନ୍ନାଇ କେବଳ ପଞ୍ଜାବାକୁ ଆଇପିଏଲ୍ରୁ ବିଦା କରିନଥିଲା, ବରଂ ଟପ-୨ରେ ନିଜ ସ୍ଥାନକୁ ସୁରକ୍ଷିତ ରଖିଥିଲା। କାରଣ ଚେନ୍ନାଇ ଯିଦି ଏହି ମ୍ୟାଚ୍ ବଡ଼ ବ୍ୟବଧାନରେ ପଞ୍ଜାବ ଠାରୁ ହାରିଥାନ୍ତା ତେବେ ରନ୍ ରେଟ୍ ଆଧାରରେ ପଏଣ୍ଟ ଟେବୁଲରେ ଦ୍ୱିତୀୟ ବଦଳରେ ତୃତୀୟ ସ୍ଥାନକୁ ଖସି ଆସିଥାନ୍ତା। ଏବଂ କେକେଆର୍ ଦ୍ୱିତୀୟ ସ୍ଥାନରେ ପହଞ୍ଚିଯାଇଥାନ୍ତି। କେକେଆର୍ ୧୬ ଅଙ୍କ ପାଇଥିବା ବେଳେ ଏହି ମ୍ୟାଚ୍ ପୂର୍ବରୁ ଚେନ୍ନାଇ ମଧ୍ୟ ସାମନ ୧୬ ଅଙ୍କରେ ରହିଥିଲା। କିନ୍ତୁ ପଞ୍ଜାବକୁ ହରାଇ ଚେନ୍ନାଇ ଦୁଇ ଅଙ୍କ ଲାଭ କରି ୧୮ ଅଙ୍କ ସହ ପଏଣ୍ଟ ଟେବୁଲରେ ଦ୍ୱିତୀୟ ସ୍ଥାନରେ ପହଞ୍ଚିଯାଇଛି।
