ହାଇଦ୍ରାବାଦ: ଆଇପିଏଲର ଏକାଦଶ ମ୍ୟାଚ ରବିବାର ସନରାଇଜର୍ସ ହାଇଦ୍ରାବାଦ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟ ଖେଳାଯାଉଛି। ଏହି ମ୍ୟାଚରେ ଆରସିବି ଅଧିନାୟକ ବିରାଟ କୋହଲି ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି। ଫଳରେ ହାଇଦ୍ରାବାଦ ପ୍ରଥମେ ବ୍ୟାଟିଂ କରିବ। ଆରସିବି ଦଳରେ ଗୋଟିଏ ପରିବର୍ତ୍ତନ କରାଯାଇଛି।
ନବଦୀପ ସାଇନିଙ୍କ ସ୍ଥାନରେ ପ୍ରୟାସ ରାୟ ବର୍ମନ ଆଇପିଏଲରେ ଡେବ୍ୟୁ କରିଛନ୍ତି। ସେହିପରି ହାଇଦ୍ରାବାଦ ଟିମର ନିୟମିତ ଅଧିନାୟକ କେନ ୱିଲିୟମସନ ପୁଣିଥରେ ଆହତ ଯୋଗୁ ବାଦ ପଡ଼ିଛନ୍ତି। ତାଙ୍କ ସ୍ଥାନରେ ଟିମର ନେତୃତ୍ୱ ନେଇଛନ୍ତି ଭୁବନେଶ୍ୱର କୁମାର । ତେବେ ହାଇଦ୍ରାବାଦ ଦଳରେ ଦୁଇଟି ପରିବର୍ତ୍ତନ କରାଯାଇଛି। ୱିଲିୟମସନଙ୍କ ବଦଳରେ ମହମ୍ମଦ ନବି ଓ ଶାହାବାଜ ନଦିମଙ୍କ ସ୍ଥାନରେ ଦୀପକ ହୁଡା ଖେଳୁଛନ୍ତି ।
ହାଇଦ୍ରାବାଦ ଏକାଦଶ: ଡେଭିଡ୍ ୱାର୍ଣ୍ଣର, ଜନ୍ନି ବେୟାରଷ୍ଟୋ, ବିଜୟ ଶଙ୍କର, ମନିଷ ପାଣ୍ଡେ, ମହମ୍ମଦ ନବି, ଦୀପକ ହୁଡା, ୟୁସୁଫ ପଠାନ୍, ଭୁବନେଶ୍ୱର କୁମାର (ଅଧିନାୟକ), ରଶିଦ୍ ଖାନ, ସିଦ୍ଧାର୍ଥ କୌଲ, ସନ୍ଦୀପ ଶର୍ମା ।
ଆରସିବି ଏକାଦଶ: ବିରାଟ କୋହଲି, ପାର୍ଥିବ ପଟେଲ, ମୋଇନ ଅଲୀ, ଏବି ଡି'ଭିଲିୟର୍ସ, ଶିମରନ ହେଟମାୟେର, ଶିବମ ଦୁବେ, କଲିନ୍ ଡି'ଗ୍ରାଣ୍ଡହୋମ, ଉମେଶ ଯାଦବ, ମହମ୍ମଦ ସିରାଜ, ପ୍ରୟାସ ରାୟ ବର୍ମନ, ୟୁଜବେନ୍ଦ୍ର ଚହଲ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
