ବର୍ମିଂହାମ: ଚଳିତ ବିଶ୍ୱକପ୍ରେ ଗତକାଲି ବର୍ମିଂହାମରେ ଭାରତ ଓ ଇଂଲଣ୍ଡ ମଧ୍ୟରେ ଏକ ମ୍ୟାଚ୍ ଖେଳା ଯାଇଥିଲା। ଏହି ମ୍ୟାଚ୍ ଦେଖିବା ପାଇଁ ଷ୍ଟାଡିୟମରେ ଗୁଗଲ ସିଇଓ ସୁନ୍ଦର ପିଚାଇ ବି ଉପସ୍ଥିତ ଥିଲେ। ବିସିସିଆଇ ତାଙ୍କର ଏକ ଫଟୋକୁ ସୋଶାଲ୍ ମିଡିଆରେ ପୋଷ୍ଟ କରିଛି। ଫଟୋରେ ସୁନ୍ଦର ପିଚାଇଙ୍କ ସହିତ ମାଷ୍ଟର ବ୍ଲାଷ୍ଟର ସଚିନ୍ ତେନ୍ଦୁଲକର ବି ଅଛନ୍ତି।
ସୁନ୍ଦର ପିଚାଇ କ୍ରିକେଟ୍ ଦେଖିବାକୁ ଭଲ ପାଆନ୍ତି। ଭାରତ-ଆମେରିକା ବିଜ୍ନେସ୍ କାଉନ୍ସିଲ୍ ପକ୍ଷରୁ ଆୟୋଜିତ ଏକ ବୈଠକରେ ପିଚାଇ କହିଥିଲେ ଯେ, ସେ ବି ଜଣେ କ୍ରିକେଟ୍ ପ୍ରେମୀ। ସ୍କୁଲ୍ରେ ପଢ଼ିବା ବେଳେ ସେ କ୍ରିକେଟର ହେବାକୁ ସ୍ୱପ୍ନ ଦେଖିଥିଲେ। ସୁନୀଲ ଗାଭାସ୍କର ଓ ସଚିନ ତେନ୍ଦୁଲକର ତାଙ୍କର ପ୍ରିୟ କ୍ରିକେଟର।
Google CEO @sundarpichai along with the Master Blaster @sachin_rt at the game today 🤝🤝 pic.twitter.com/jKZKFgelUF
— BCCI (@BCCI) June 30, 2019
ଚଳିତ ବିଶ୍ୱକପ୍ରେ ଭାରତ ଓ ଇଂଲଣ୍ଡ ଫାଇନାଲ୍ ଖେଳନ୍ତୁ ବୋଲି ସେ ଚାହୁଁଥିବା ମଧ୍ୟ କହିଥିଲେ।
ସୂଚନାଯୋଗ୍ୟ, ଗତକାଲି ମ୍ୟାଚ୍ରେ ଭାରତ ପରାସ୍ତ ହୋଇଥିଲା। ଇଂଲଣ୍ଡ ୩୩୮ ରନ୍ କରିଥିବା ବେଳେ ଭାରତ ୩୧ ରନ୍ରେ ହାରି ଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
