ମକାଓ: କ୍ୱାଟ୍ର ଫାଇନାଲ ମ୍ୟାଚ୍ ହାରି ସାଇନା ନେହୱାଲ ମକାଓ ଓପନ ଗ୍ରାଣ୍ଡ ପିକ୍ସ ଗୋଲ୍ ଚାମ୍ପିଅନସିପ୍ରୁ ଆଉଟ୍ ହୋଇଯାଇଛନ୍ତି।
ଆଜି ଖେଳାଯାଇଥିବା କ୍ୱାଟର ଫାଇନାଲରେ ସାଇନାଙ୍କୁ ଲୋକାଲ ଷ୍ଟାର ଚାଇନାର ଝାଙ୍ଗ ୟିମାନ ୨୧-୧୨ ଓ ୨୧-୧୭ ସେଟ୍ରେ ପରାସ୍ତ କରିଦେଇଥିଲେ।
ଏହି ମ୍ୟାଚ୍ ଜିତିବାକୁ ୟିମାନଙ୍କୁ ମାତ୍ର ୩୫ ମିନିଟ୍ ସମୟ ଲାଗିଥିଲା।
ପ୍ରଥମ ସେଟ୍ରେ ପରାସ୍ତ ହେବା ପରେ ସାଇନା ଦ୍ୱିତୀୟ ସେଟ୍କୁ ନିଜ ଷ୍ଟାଲରେ ଆରମ୍ଭ କରିଥିଲେ। ଏକଦା ୬-୦ର ଲିଡରେ ଥିବା ସାଇନାଙ୍କୁ ୟିମାନ ଦୃଢ ମୁକାବିଲା କରିବା ସହ ସେଟ୍କୁ ୨୧-୧୭ରେ ଜିତି ନେଇଥିଲେ।
ଗତ ବୁଧବାର ରାତିରେ ଖେଳା ଯାଇଥିବା ରାଉଣ୍ଡ-16ର ଏକ ମ୍ୟାଚ୍ରେ ସାଇନା ଇଣ୍ଡୋନେସିଆର ଡି.ଡି. ଆୟୁସଷ୍ଟିନ୍ଙ୍କୁ ୧୭-୨୧, ୨୧-୧୮ ଓ ୨୧-୧୨ ସେଟ୍ରେ ପରାସ୍ତ କରି କ୍ୱାଟର ଫାଇନାରେ ପ୍ରବେଶ କରିଥିଲେ।