ବିଶାଖାପାଟଣା: ଆଜିଠାରୁ ବିଶାଖାପାଟଣାରେ ଆରମ୍ଭ ହୋଇଥିବା ଭାରତ-ଇଂଲଣ୍ଡ ଦ୍ୱିତୀୟ ଟେଷ୍ଟର ପ୍ରଥମ ଦିନରେ ଭାରତୀୟ ବ୍ୟାଟ୍ସମ୍ୟାନଙ୍କ ଦବ୍ଦବା ଦେଖିବାକୁ ମିଳିଛି। ଅଧିନାୟକ ବିରାଟ କୋହଲି ଏବଂ ଚେତେଶ୍ୱର ପୂଜାରାଙ୍କ ଶତକୀୟ ଇଂନିସ୍ ବଳରେ ଭାରତ ଆଜିର ଖେଳ ଶେଷ ସୁଦ୍ଧା ୪ ୱିକେଟ୍ ହରାଇ ୩୧୭ ରନ୍ କରିଛି। ପୂଜାରା ୧୨ ଚୌକା ଓ ୨ ଛକା ସହାୟତାରେ ୧୧୯ ରନ୍ କରି ଆଉଟ୍ ହୋଇଛନ୍ତି। କୋହଲି ୧୫ ଚୌକା ସହାୟତାରେ ୧୫୧ ରନ୍ କରି ଅପରାଜିତ ଅଛନ୍ତି।
ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ଭାରତର ଆରମ୍ଭ ଭଲ ହୋଇ ନ ଥିଲା। ଓପ୍ନର ଲୋକେଶ ରାହୁଲ ଖାତା ଖୋଲି ପାରି ନ ଥିବା ବେଳେ ମୁରଲୀ ବିଜୟ ମାତ୍ର ୨୦ ରନ୍ କରିବାକୁ ସକ୍ଷମ ହୋଇଥିଲେ। ଆଜିଙ୍କ୍ୟା ରାହାଣେ ୨୩ ରନ୍ କରି ଆଉଟ୍ ହୋଇଛନ୍ତି।
ଇଂଲଣ୍ଡ ପକ୍ଷରୁ ଜେମ୍ସ ଆଣ୍ଡରସନ ୩ଟି ଏବଂ ଏସ୍. ବ୍ରୋଡ ଗୋଟିଏ ୱିକେଟ୍ ଅକ୍ତିଆର କରିଛନ୍ତି।