ସଙ୍କଟରେ ଅଷ୍ଟ୍ରେଲିଆ କ୍ରିକେଟ୍‌: ବଲ୍ ଟାମ୍ପରିଂ ମାମଲାରେ ଅଧିନାୟକ ଓ ଉପଅଧିନାୟକ ଛାଡ଼ିଲେ ପଦ

ଭୁବନେଶ୍ୱର(ଓଡ଼ିଶା ରିପୋର୍ଟର): ମହଙ୍ଗା ପଡିଲା ବଲ୍ ଟାମ୍ପରିଂ।  ଅଷ୍ଟ୍ରେଲିଆର ଅଧିନାୟକ ପଦରୁ ହଟିଲେ ଷ୍ଟିଭ୍ ସ୍ମିଥ୍। ସେହିପରି ଡେଭିଡ୍ ୱାର୍ଣ୍ଣର ମଧ୍ୟ ହରାଇଛନ୍ତି ଉପ ଅଧାନାୟକ ପଦ। କ୍ରିକେଟ ଅଷ୍ଟ୍ରେଲିଆ ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।  କାର୍ଯ୍ୟାନୁଷ୍ଠାନ ପାଇଁ ଅଷ୍ଟ୍ରେଲିଆ ସରକାର ନିର୍ଦ୍ଦେଶ ଦେବାପରେ ଷ୍ଟିଭ୍ ସ୍ମିଥ୍ ଓ ଡେଭିଡ୍ ୱାର୍ଣ୍ଣର ପଦ ଛାଡ଼ିଛନ୍ତି। ଦକ୍ଷିଣ ଆଫ୍ରିକା ବିପକ୍ଷ କେପ୍ଟାଉନରେ ଖେଳାଯାଇଥିବା ତୃତୀୟ ଟେଷ୍ଟ୍ରର ତୃତୀୟ ଦିନରେ ଅଷ୍ଟ୍ରେଲିଆ କ୍ରିକେଟର୍‌ ବାଂକ୍ରପ୍ଟ ଏକ ହଳଦିଆ ରଙ୍ଗର ବସ୍ତୁ ଧରି ବଲ୍ ଟ୍ୟାମ୍ପରିଂ କରୁଥବା କ୍ୟାମେରାରେ ଧରାପଡ଼ିଥିଲେ। ବାଂକ୍ରପ୍ଟ ବଲ୍‌ ଟାମ୍ପରିଂ କରୁଥିବାର ଧରାପଡ଼ିବା ପରେ ମାମଲା ବିଗିଡ଼ିଯାଇଥିଲା। ତେବେ ଅଷ୍ଟ୍ରେଲିଆ ଓପ୍ନର୍ କାମେରନ୍ ବାଂକ୍ରଫ୍ଟ ଓ ଅଧିନାୟକ ଷ୍ଟିଭ୍ ସ୍ମିଥ୍ ଏହି ବଲ୍ ଟାମ୍ପରିଂ ଅଭିଯୋଗକୁ ସ୍ୱୀକାର କରିଛନ୍ତି। ସୁଯୋଗ ପାଇ ସେ ଏହି କାମ କରିଥିଲେ ବୋଲି ବାଂକ୍ରଫ୍ଟ କହିଛନ୍ତି।