କେପ୍ଟାଉନ୍: ଦକ୍ଷିଣ ଆଫ୍ରିକା ବିପକ୍ଷରେ କେପ୍ଟାଉନ୍ରେ ଖେଳାଯାଇଥିବା ଦ୍ୱିତୀୟ ହକି ମ୍ୟାଚ୍କୁ ଭାରତୀୟ ମହିଳା ଦଳ ୨-୨ରେ ଡ୍ର’ ରଖିଛି। ଗୁରୁଜିତ୍ କୌର ଓ ଦୀପ୍ ଗ୍ରେସ କୌରଙ୍କ ଦୁଇଟି ଗୋଲ ବଳରେ ମ୍ୟାଚ୍କୁ ଡ୍ର ରଖିବାରେ ସମର୍ଥ ହୋଇଥିଲା ଭାରତୀୟ ଦଳ।
ଖେଳ ଆରମ୍ଭ ହେବାର ମାତ୍ର ୩ ମିନିଟରେ ଦକ୍ଷିଣ ଆଫ୍ରିକାର ଏମ୍.ମାରାଇଜ୍ ଗୋଟିଏ ଫିଲ୍ଡ ଗୋଲ ଦେଇଥିଲେ ଦଳକୁ ୧-୦ ଲିଡ୍ ଦେଇଥିଲେ। ଦୁଇ ଦେଶ ମଧ୍ୟରେ ଘମାଘୋଟ ଖେଳ ହୋଇଥିଲେ ମଧ୍ୟ ପ୍ରଥମ କ୍ୱାର୍ଟରରେ ଦ.ଆଫ୍ରିକା ସ୍କୋରକୁ ୧-୦ ରେ ଆଗୁଆ ରଖିଥିଲା। ଭାରତ ଗୋଲ ଦେଇ ପାରି ନ ଥିଲା। କିନ୍ତୁ ୨୪ତମ ମିନିଟ୍ରେ ଭାରତର ଗୁରୁଜିତ୍ କୌର ଗୋଟିଏ ପେନାଲ୍ଟି କର୍ଣ୍ଣରକୁ ଗୋଲରେ ପରିଣତ କରିଥିଲେ। ଏହାର ୨ ମିନିଟ ପରେ ଦୀପ୍ ଗ୍ରେସ ଆଉ ଗୋଟିଏ ପେନାଲ୍ଟି କର୍ଣ୍ଣରକୁ ଗୋଲରେ ପରିଣତ କରିଥିଲେ। ପ୍ରଥମାର୍ଦ୍ଧ ଖେଳ ଶେଷ ସୁଦ୍ଧା ଭାରତ ୨-୧ରେ ଆଗୁଆ ରହିଥିଲା। ତୃତୀୟାର୍ଦ୍ଧରେ ଦ.ଆଫ୍ରିକା ମହିଳା ଦଳ ଆକାମଣାତ୍ମକ ହୋଇଥିଲା। ୩୪ ମିନିଟରେ ଦଳର ଡିରିକ ଚାମ୍ବରଲେନ୍ ଗୋଟିଏ ଗୋଲ ଦେଇ ସ୍କୋରକୁ ୨-୨ରେ ଡ୍ର’ ରଖିଥିଲେ।