ଆଇପିଏଲ୍ର ୧୧ ତମ ସଂସ୍କରଣ ଶେଷ ହୋଇଯାଇଛି। ଏହି ସିଜିନରେ ଏମିତି ଖେଳାଳି ଅଛନ୍ତି ଯେଉଁମାନଙ୍କ ପ୍ରଦର୍ଶନ ବେଶ ଆକର୍ଷଣୀୟ ରହିଛି। ହେଲେ ଏମିତ ଦାମୀ ଖେଳାଳି ଅଛନ୍ତି ଯେଉଁମାନଙ୍କ ପ୍ରଦର୍ଶନ ବେଶ୍ ନୈରାଶ୍ୟଜନକ ରହିଥିଲା।
ବେନ୍ ଷ୍ଟୋକ: ୨୦୧୮ ସିଜିନରେ ସବୁଠୁ ଦାମୀ କ୍ରିକେଟ୍ର ବେନ୍ ଷ୍ଟୋକ୍ସ ଏଥର ଫ୍ଲପ୍ ହୋଇଥିଲେ। ସେ ୧୩ଟି ମ୍ୟାଚ୍ ଖେଳି ମାତ୍ର ୧୯୬ ରନ କରିବା ସହ ୮ଟି ୱିକେଟ୍ ନେଇଥିଲେ। ରାଜସ୍ଥାନ ରୟାଲ୍ସ ତାଙ୍କୁ ସର୍ବାଧିକ ୧୨.୫ କୋଟିରେ କିଣିଥିଲା।
ଯୁବରାଜ: ୨୦୧୮ ଆଇପିଏଲ ସବୁଠୁ ଖରାପ ରହିଥିଲା ଯୁବରାଜଙ୍କ ପାଇଁ ସେ ୬ଟି ପାଳିରୁ ୬୫ ରନ୍ କରିଥିଲେ। ଏବଂ କିଛି ମ୍ୟାଚ୍ରେ ବୋଲିଂ କରିଥିଲେ ମଧ୍ୟ ୱିକେଟ୍ ପାଇନଥିଲେ। ପଞ୍ଜାବ ତାଙ୍କୁ ୨ କୋଟିରେ ଏଥର କିଣିଥିଲା।
ମ୍ୟାକ୍ସୱେଲ୍: ଏହି ବିସ୍ଫୋରକ ଖେଳାଳିଙ୍କ ପ୍ରଦର୍ଶନ ବେଶ ଖରାପ ରହିଥିଲା ୨୦୧୮ ଆଇପିଏଲ୍ରେ। ସେ ୧୨ଟି ଇଂନିସ ଖେଳି ମାତ୍ର ୧୬୯ ରନ କରିପାରିଥିଲେ। ଦିଲ୍ଲୀ ଡେୟାର ଡେଭିଲ୍ସ ତାଙ୍କୁ ୯ କୋଟି ଟଙ୍କାରେ କିଣିଥିଲା।
ଜୟଦେବ ଉନଦକତ: ଆଇପିଏଲ୍ ୨୦୧୮ରେ ଦ୍ୱିତୀୟ ସର୍ବାଧିକ ଦାମୀ ଖେଳାଳି ଭାବେ ବୋଲର୍ ଜୟଦେବ ଉନଦକତଙ୍କୁ ରାଜସ୍ଥାନ ୧୧.୫ କୋଟିରେ ରାଜସ୍ଥାନ କିଣିଥିଲା। ହେଲେ ପ୍ରତିଯୋଗିତାରେ ସେ ସେମିତି କିଛି ଜଲ୍ୱା ଦେଖାଇପାରିନଥିଲେ। ସେ ୧୫ଟି ମ୍ୟାଚ୍ରୁ ୧୧ଟି ୱିକେଟ୍ ହାସଲ କରିଥିଲେ।
ଗମ୍ଭୀର: ଆରମ୍ଭରୁ ଦିଲ୍ଲୀର ଅଧିନାୟକ ଦାୟିତ୍ୱରେ ଥିବା ଗମ୍ଭୀର ମଧ୍ୟ ଏଥର ଫ୍ଲପ୍ ହୋଇଥିଲେ। ସେ ୫ଟି ଇଂନିସରୁ ୮୫ ରନ୍ କରିଥିଲେ। ଦିଲ୍ଲୀ ତାଙ୍କୁ ୨.୮ କୋଟିରେ କିଣିଥିଲା।
ମନୀଷ ପାଣ୍ଡେ: ଆଉଜଣେ ଦାମୀ ଖେଳାଳି ହେଲେ ମନୀଷ ପାଣ୍ଡେ। ହାଇଦ୍ରାବଦ ତାଙ୍କୁ ସର୍ବାଧିକ୧୧ କୋଟିରେ କିଣିଥିଲା। ସେ ୧୩ଟି ଇଂନିସରୁ ୨୮୪ ରନ୍ କରିଥିଲେ। 
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
