ନୂଆଦିଲ୍ଲୀ: ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ୧୦୦ଟି ଅନ୍ତର୍ଜାତୀୟ ଶତକ ମାରିଛନ୍ତି। ୨୦୦ଟି ଟେଷ୍ଟରୁ ସେ ୫୧ଟି ଶତକ କରିଥିବା ବେଳେ ୪୬୩ଟି ଦିନିକିଆରୁ ୪୯ ଶତକ ହାସଲ କରିଛନ୍ତି। ତେବେ ସେ ତାଙ୍କର ୧୦୦ତମ ଶତକ କେବେ ଓ କାହା ବିପକ୍ଷରେ ମାରିଥିଲେ ଆପଣମାନଙ୍କର ମନେ ଅଛି? ଯଦି ମନେ ନାହିଁ, ଆମେ ମନେ ପକାଇ ଦେଉଛୁ।
୨୦୧୨ ଏସିଆ କପ୍ରେ ସଚିନ ତାଙ୍କର ‘ସେଞ୍ଚୁରୀ ଅଫ୍ ସେଞ୍ଚୁରୀଜ୍’ ମାରିଥିଲେ। ଢାକାର ଶେର୍ ଇ ବଙ୍ଗାଲ୍ ନ୍ୟାସ୍ନାଲ୍ କ୍ରିକେଟ୍ ଷ୍ଟାଡିୟମରେ ବାଂଲାଦେଶ ବିପକ୍ଷରେ ସେ ଏହି ଶତକ ହାସଲ କରିଥିଲେ।
ଏହି ମ୍ୟାଚ୍ରେ ସେ ୧୪୭ ବଲ୍ରୁ ୧୧୪ ରନ୍ କରିଥିଲେ।
ଗୌତମ ଗମ୍ଭୀରଙ୍କ ସହ ମ୍ୟାଚ୍ ଓପନ୍ କରିବାକୁ ଆସିଥିବା ତେନ୍ଦୁଲକର ୧୨ଟି ଚୌକା ଓ ଗୋଟିଏ ଛକ୍କା ମାରିଥିଲେ।
ତେବେ ଐତିହାସିକ ଶତକ ସଚିନଙ୍କୁ ଖୁସି ଦେଇ ପାରି ନଥିଲା। କାରଣ ଏହି ମ୍ୟାଚ୍ ବାଂଲାଦେଶ ଜିତି ଥିଲା। ଚାରିଟି ବଲ୍ ବାକି ଥାଇ ଦଳ ଭାରତକୁ ୫ ୱିକେଟ୍ରେ ପରାସ୍ତ କରିଥିଲା।