ମୋହାଲି: “ପଞ୍ଜାବ ବିପକ୍ଷ ମ୍ୟାଚ୍ ଜିତିବା ଆମ ପାଇଁ ଗୁରୁତ୍ୱପୂର୍ଣ୍ଣ ଥିଲା। ଏଥିପାଇ ଦଳ ବହୁ ପରିଶ୍ରମ କରିଛି। ଶେଷରେ ଆମେ ଏଥିରେ ସଫଳ ହେଲୁ ବୋଲି ମଙ୍ଗଳବାର ରୟାଲ ଚାଲେଞ୍ଜର ବାଙ୍ଗାଲୋରର ଲେଗ୍ ସ୍ପିନର ଯୁଯୁବେନ୍ଦ୍ର ଚହଲ କହିଛନ୍ତି ।
ସେ କହିଛନ୍ତି,“ଏହି ବିଜୟ ପରେ ଆମ ଦଳ ୨ ପଏଣ୍ଟ ପାଇ ସପ୍ତମ ସ୍ଥାନରୁ ଷଷ୍ଠ ସ୍ଥାନକୁ ଆସିଛି। ତେଣୁ ଏହି ବିଜୟ ଆମ ପାଇଁ ବହୁତ ଗୁରୁତ୍ତ୍ୱପୂର୍ଣ୍ଣ ଥିଲା। ତଥାପି ଏବେ ଆମେ ପ୍ଲେଅଫ ପାଇଁ ସଘର୍ଷ କରୁଛୁ।”
ସୂଚନାଯୋଗ୍ୟ,ଗତକାଲି ମୋହାଲିରେ ଖେଳାଯାଇଥିବା ଏକ ମ୍ୟାଚ୍ରେ ପଞ୍ଜାବକୁ ୧ ରନ୍ରେ ହରାଇଥିଲା ବାଙ୍ଗାଲୋର। ପଞ୍ଜାବ ଟସ୍ ଜିତି ପ୍ରଥମେ ଫିଲ୍ଡିଂ କରିବାକୁ ନିଷ୍ପତ୍ତି ନେଇଥିଲା। ବାଙ୍ଗାଲୋର ନିର୍ଦ୍ଧାରିତ ଓଭରରେ ୬ ୱିକେଟ ହରାଇ ୧୭୫ ରନ୍ କରିଥିଲା। ଏହାର ଜବାବରେ ନିର୍ଦ୍ଧାରିତ ଓଭରରେ ୪ ୱିକେଟ ହରାଇ ୧୭୪ ରନ୍ କରିଥିଲା ପଞ୍ଜାବ।