ନାରାୟଣପାଟଣା: କୋରାପୁଟ ଜିଲ୍ଲାର ନାରାୟଣପାଟଣା ହରିଜନ ସାହି ନିକଟସ୍ଥ ଝଞ୍ଜ।ବାତୀ ନଈର ପ୍ରଖର ପାଣି ସୁଅରୁ ୫ ଜଣ ପିଲାଙ୍କ ପିଲାଙ୍କୁ ବଞ୍ଚାଇ ଦୁଇଜଣ ଯୁବକ ସାହସୀକତାର ପରିଚୟ ଦେଇଛନ୍ତି। ସେମାନେ ହେଲେ ହରିଶ୍ଚନ୍ଦ୍ର ହିଆଲ ଏବଂ ମୋହନ ଗରଡ଼ା। ନଦୀର ପ୍ରଖର ସ୍ରୋତକୁ ଖାତିର ନ କରି ନିଜ ଜୀବନକୁ ବାଜି ଲଗାଇ ୫ ପିଲାଙ୍କୁ ଉଦ୍ଧାର କରିଛନ୍ତି।
ସୂଚନାଯୋଗ୍ୟ, ଗତ ୨୫ ତାରିଖରେ ସାହି ଠାରୁ ପ୍ରାୟ ୩୦୦ ମିଟର ଦୂର ଥିବା ନଦୀକୁ ବବୁଲ ମହାନନ୍ଦିଆ, ଆତୁଲ ପାଢୀ, କାଳିଆ ପାଢୀ, ଜିତୁ ବିଡ଼ିକା ଓ ଲକ୍ଷଣ ବିଡ଼ିକା ଗାଧୋଇବାକୁ ଯାଇଥିଲେ। ଏହି ସମୟରେ ଉପର ମୁଣ୍ଡରେ ବର୍ଷା ହେବା ଯୋଗୁ ନଦୀର ସ୍ରୋତ ହଠାତ ବଢି ଯାଇଥିଲା। ଫଳରେ ପିଲାମାନେ ପାଣିରେ ଫସି ଯାଇଥିଲେ। ସେମାନଙ୍କ ଚିତ୍କାର ଶୁଣି ନଦୀ କୂଳରେ ଥିବା ସାହିର ଶତାଧିକ ମହିଳା ଓ ପୁରଷ ରୁଣ୍ଡ ହୋଇଯାଇଥିଲେ। ହରିଶ୍ଚନ୍ଦ୍ର ଓ ମୋହନ ପିଲାମାନଙ୍କୁ ବଞ୍ଚାଇବାକୁ ଫୁଲିଲା ନଦୀ ମଧ୍ୟକୁ ଡେଇଁ ପଡ଼ିଥିଲେ। ଏକ ବାଉଁଶ ଦ୍ୱାରା ସେମାନେ ସମସ୍ତଙ୍କୁ ଉଦ୍ଧାର କରିବାକୁ ସକ୍ଷମ ହୋଇଥିଲେ।
ଏପରି ସାହସୀକତାର କାର୍ଯ୍ୟ ପାଇଁ ହରିଶ୍ଚନ୍ଦ୍ର ଏବଂ ମୋହନଙ୍କୁ ଅଞ୍ଚଳବାସୀ ପ୍ରଶଂସା କରିଛନ୍ତି।