ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଅନୁଗୋଳ: ପୁଣି ଫେଲ୍‌ ମାରିଲା ଜନନୀ ସୁରକ୍ଷା ଯୋଜନା। ଗର୍ଭବତୀଙ୍କ ନିକଟରେ ଠିକ୍‌ ସମୟରେ ପହଞ୍ଚି ପାରିଲାନି ୧୦୨ ଆମ୍ୱୁଲାନ୍ସ। ଫଳରେ ଅଟୋରେ ସନ୍ତାନ ପ୍ରସବ କଲେ ପ୍ରସୂତି। ଏହି ଘଟଣା ଘଟିଛି ଅନୁଗୁଳ ଜିଲ୍ଲା କିଶୋର ନଗର ବ୍ଳକ୍ ଫୁଲଝରି ଗାଁରେ। ଗାଁର କାଳନ୍ଦୀ ଚରଣ ପ୍ରଧାନଙ୍କ ସ୍ତ୍ରୀ କବିତାଙ୍କ ଗର୍ଭଯନ୍ତ୍ରଣା ହେବାରୁ ସେ ୧୦୨ ଆମ୍ବୁଲାନ୍ସକୁ ଫୋନ୍ କରିଥିଲେ। ହେଲେ ଆମ୍ୱୁଲାନ୍ସ କି ଆଶାକର୍ମୀ ଦିଦି କେହି ନ ଆସିବାରୁ ସେ ବାଧ୍ୟ ହୋଇ ଏକ ଅଟୋ ଭଡ଼ା କରି ଅନୁଗୋଳ ଜିଲ୍ଲା ମୁଖ୍ୟ ଚିକତ୍ସାଳୟକୁ ଆଣୁଥିଲେ। ହେଲେ ମେଡିକାଲ ପହଞ୍ଚିବା ପୂର୍ବରୁ ଅଟୋରେ ହିଁ ଏକ ଶିଶୁ କନ୍ୟାକୁ ଜନ୍ମ ଦେଇଥିଲେ କବିତା। କିଛି ସମୟ ପରେ ୧୦୮ଆମ୍ୱୁଲାନ୍ସ ପହଞ୍ଚିବା ପରେ ତାଙ୍କୁ ଡାକ୍ତରଖାନା ନିଆଯାଇଥିଲା।</p> <p>ଏହି ଘଟଣା ଗଣମାଧ୍ୟମରେ ଖବର ପ୍ରସାରଣ ପରେ ଜିଲ୍ଲାପାଳ ତଦନ୍ତ ନିର୍ଦ୍ଦେଶ ଦେଇଛନ୍ତି। ତିନି ଦିନ ମଧ୍ୟରେ ଘଟଣାର ରିପୋର୍ଟ କରିବାକୁ ସିଡିଏମ୍‌ଙ୍କୁ ନିର୍ଦ୍ଦେଶ ଦେଇଛନ୍ତି।</p> <p>ଜିଲ୍ଲାପାଳ ଅନୀଲ କୁମାର ସାମଲ କହିଛନ୍ତି,“କାହିଁକି ୧୦୨ ଆମ୍ୱୁଲାନ୍ସ ପହଞ୍ଚି ପାରିଲା ନାହିଁ ଏନେଇ ତଦନ୍ତ ନିର୍ଦ୍ଦେଶ ଦିଆଯାଇଛି। ତଦନ୍ତ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏହାସହିତ ତାଙ୍କର ଆନୁସଙ୍ଗିକ ଖର୍ଚ୍ଚ ରେଡକ୍ରସ୍‌ ତରଫରୁ ଦିଆଯିବ। ଯଦି ଆଶାକର୍ମୀ ତାଙ୍କ କାମରେ ଅବହେଳା କରିଥାନ୍ତି, ଏନେଇ ଅନୁସନ୍ଧାନ କରାଯିବ। ପରେ ନିଶ୍ଚିତ ଭାବେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।”</p> <p>କିନ୍ତୁ ୧୦୮ ଆମ୍ୱୁଲାନ୍ସ କର୍ତ୍ତୃପକ୍ଷ ଏହି ଅଭିଯୋଗକୁ ଖଣ୍ଡନ କରିଛନ୍ତି। ସଂସ୍ଥା ପକ୍ଷରୁ କୁହାଯାଇଛି-“୯୮୫୩୨୭୦୭୨୦ ନମ୍ୱରରୁ ପୁଷ୍ପକ କୁମାର ସାହୁ ନାମକ ଜଣେ ବ୍ୟକ୍ତି ଗତକାଲି ରାତି ୯.୪୮ ମିନିଟ୍‌ରେ ଫୋନ୍‌ କରିଥିଲେ। ସେତେବେଳେ ପୀଡ଼ିତ ବଇଣ୍ଡା ନିକଟସ୍ଥ ପଞ୍ଚମୂଳା ଗାଁରେ ଥିଲେ। ଯାହାକି ଅନୁଗୋଳ ଜିଲ୍ଲାର ଠାକୁରଗଡ଼ା ପୋଲିସ ଅଧୀନରେ ଆସୁଛି। ରୋଗୀଙ୍କ ନାମ କବିତା ପ୍ରଧାନ ବୋଲି ଫୋନଧାରୀ କହିଥିଲେ। ଏଥିପାଇଁ ସଂସ୍ଥା ତରଫରୁ ଅନୁଗୋଳରୁ ଏକ ଆମ୍ୱୁଲାନ୍ସ ଯୋଗାଇ ଦିଆଯାଇଥିଲା। ଯହାକି ରାତି ୧୦ଟା ସୁଦ୍ଧା ଘଟଣାସ୍ଥଳରେ ପହଞ୍ଚି ରୋଗୀଙ୍କୁ ସଫଳତାର ସହ ଅନୁଗୋଳ ଡାକ୍ତରଖାନାରେ ପହଞ୍ଚାଇ ଦେଇଥିଲା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
