ବ୍ରହ୍ମପୁର: ଏକତରଫା ପ୍ରେମର କରୁଣ ପରିଣତି। ଗଞ୍ଜାମ ଜିଲ୍ଲା ଚିକିଟି ଥାନା ପତ୍ରଚୁଡି ଗାଁରେ ଯୁକ୍ତ ତିନି ଛାତ୍ରୀଙ୍କୁ ହତ୍ୟା ପରେ ଅଭିଯୁକ୍ତ ମୃତଦେହକୁ ପୋଡି ଦେଇଥିବା ଅଭିଯୋଗ ହୋଇଛି। ଗତକାଲି ରାତିରେ ଏପରି ଅମାନବୀୟ ଘଟଣା ଘଟିଛି।
ପତ୍ରଚୁଡି ଗାଁର କାହ୍ନୁଚରଣ ଗୌଡ଼ା ଜଣେ ଯୁବତୀଙ୍କୁ ଏକତରଫା ପ୍ରେମ କରୁଥିଲେ। ଅନେକ ସମୟରେ ତାଙ୍କୁ କମେଣ୍ଟ ମାରୁଥିଲେ। ଯୁବତୀ ଜଣଙ୍କ ବିରୋଧ ସତ୍ତ୍ୱେ କାହ୍ନୁ ତାଙ୍କୁ ହଇରାଣ କରୁଥିଲେ। ଏ ସମ୍ପର୍କରେ ଯୁବତୀ ଜଣଙ୍କ ନିଜ ଭାଇଙ୍କୁ ଜଣାଇଥିଲେ। ପରେ ଯୁବତୀଙ୍କ ଭାଇ କାହ୍ନୁଙ୍କୁ ଏ ସମ୍ପର୍କରେ ପଚାରିଥିଲେ।
ଗତକାଲି ରାତିରେ ଯୁବତୀ ଜଣଙ୍କ ଘରେ ଏକା ଥିଲେ। ଏହି ସମୟରେ କାହ୍ନୁ ଘରେ ପଶି ତାଙ୍କ ତଣ୍ଟି ଚିପି ହତ୍ୟା କରିଥିଲେ। ପରେ ମୃତଦେହକୁ କିରାସିନି ଢାଳି ନିଆଁ ଲଗାଇ ଦେଇଥିବା ଅଭିଯୋଗ ହୋଇଛି। ବ୍ରହ୍ମପୁର ବଡ ମେଡିକାଲରେ ମୃତଦେହର ବ୍ୟବଚ୍ଛେଦ କରାଯାଇଛି। ଅଭିଯୁକ୍ତ କାହ୍ନୁ ଏବେ ଫେରାର ଅଛି। ପୋଲିସ ମାମଲା ରୁଜୁ କରିବା ଘଟଣାର ତଦନ୍ତ ଆରମ୍ଭ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
