ବିଦେଶିନୀଙ୍କ ସେକ୍ସ ଲିଙ୍କ୍‌ରୁ ଖୋଲୁଛି ଗୁମର: ନେଟ୍‌ୱର୍କ ଚଳାଉଥିଲା ଲେଡି ଡନ୍‌, ଫୋନ୍‌ରେ ହେଉଥିଲା କାରବାର

ଭୁବନେଶ୍ୱର: ରାଜଧାନୀରେ ବିଦେଶିନୀ ସେକ୍ସ ଲିଙ୍କ ଗୁମର ଧୀରେଧୀରେ ଖୋଲିବାରେ ଲାଗିଛି। ପୁରା ରାକେଟ ଚଳାଉଥିଲେ ଦୁଇଜଣ ମାଷ୍ଟର ମାଇଣ୍ଡ। ସେମାନଙ୍କ ମଧ୍ୟରେ ଜଣେ ଲେଡି ଦଲାଲ୍ ଥିବା ପୋଲିସ ଜାଣିବାକୁ ପାଇଛି। ଅନ୍ୟପକ୍ଷରେ ଗିରଫ ଦଲଲାଙ୍କ ଫୋନରୁ ମିଳିଛି ପୁଳାପୁଳା କଲଗାର୍ଲଙ୍କ ଫଟୋ। ଏହାକୁ ନେଇ ପୋଲିସ ଛାନଭିନ୍‌ ଚଳାଇଛି।

ଆଳୁ ଖୋଳୁ ଖୋଳୁ ମହାଦେବ ମହାଦେବ ବାହାରିବା ପରି ବିଦେଶିନୀଙ୍କ ଲିଙ୍କ୍‌ ଖୋଜୁଖୋଜୁ ପୋଲିସକୁ ମିଳିଛି ପୁଳାପୁଳା କଲଗାର୍ଲଙ୍କ ଫୋଟ। ଏପରିକି କଲଗାର୍ଲଙ୍କ ରେଟ ଲିଷ୍ଟ ମଧ୍ୟ ମିଳିଛି। ଘଣ୍ଟାକୁ ଗ୍ରାହକଙ୍କୁ ଦେବାକୁ ପଡୁଥିଲା ମିନିମମ୍‌ ୧୦ ହଜାର ଟଙ୍କା। ଏହି ରେଟ୍‌ ଫିକ୍ସ, ଫୋନ୍‌ କନଫରେନ୍ସରୁ ଏହି ତଥ୍ୟ ପଦାକୁ ଆସିଥିଲା। ପୁରା ନେଟ୍‌ୱାର୍କ ଫୋନ୍‌ରେ ଚାଲିଥିଲା। ଦଲାଲମାନେ କଲଗାର୍ଲଙ୍କୁ ଦିଲ୍ଲୀରୁ ଭୁବନେଶ୍ୱର ଆଣୁଥିଲେ। ପରେ ହାଇପ୍ରେଫାଇଲ ସେକ୍ସ କାରବାରରେ ବ୍ୟବହାର କରୁଥିଲେ। ଲେଡି ମାଷ୍ଟର ମାଇଣ୍ଡ ଓ ଅନ୍ୟଜଣେ ମିଶି ପଟିଆ ମାରୁତି ଭିଲା ପ୍ଲଟ ୨୮କୁ ଭଡାରେ ନେଇଥିଲେ। ସେଠାରେ ଚାଲିଥିଲା ଦେହ ବେପାର। ଏ ସମ୍ପର୍କରେ ପଡୋଶୀ ମଧ୍ୟ ଜାଣିପାରୁନଥିଲେ।

ଅନ୍ୟପକ୍ଷରେ ଗିରଫ କେୟାର ଟେକର ତାପସ ଜନାକୁ ପୋଲିସ ଆଜି କୋର୍ଟ ଚାଲାଣ କରିଛି। ହାଇପ୍ରୋଫାଇଲ ସେକ୍ସ କାରବାର ସହ ତାର ଲିଙ୍କଥିବା ସ୍ପଷ୍ଟ ହୋଇଛି। ଗିରଫ ତାପସର ଘର ମେଦିନାପୁରରେ। ତେବେ ନେଟଓ୍ୱର୍କ ନେଇ ତାପସ ମୁହଁ ଖୋଲିନାହିଁ।