ଆଗୁଆ ନିର୍ବାଚନ ପ୍ରସ୍ତୁତି: ସ୍ଥିତି ଜମେଇକି ରଖିବାକୁ ବିଜେଡି-ବିଜେପି ବ୍ୟସ୍ତ

<p>ଭୁବନେଶ୍ୱର: ଦେଶରେ ସାଧାରଣ ନିର୍ବାଚନ ଆଗୁଆ ହୋଇପାରେ। ଏନେଇ ସଙ୍କେତ ମିଳି ସାରିଛି। ଏପରି ସ୍ଥିତିରେ ପ୍ରସ୍ତୁତ ରହିବାକୁ ସବୁ ଦଳରେ ତତ୍ପରତା ପ୍ରକାଶ ପାଇଛି। ବିଶେଷ କରି ବିଜେପି ନଜରରେ ରହିଛି ଓଡ଼ିଶା। ନବୀନଙ୍କୁ ଗାଦିଚ୍ୟୁତ କରି ଏଠାରେ ପଦ୍ମ ପତାକା ଉଡାଇବାକୁ ଉଭୟ କେନ୍ଦ୍ର ଓ ରାଜ୍ୟ ବିଜେପିର ନେତୃମଣ୍ଡଳି ଦିନରାତି ଏକ କରି ଦେଇଛନ୍ତି। ବିଜେଡି ମଧ୍ୟ ଆଗୁଆ ନିର୍ବାଚନକୁ ନେଇ ପଛରେ ପଡିବାକୁ ଚାହୁଁ ନାହିଁ। ବିଜେପିର ବୃଦ୍ଧି ପାଉଥିବା ପତିଆରାକୁ ଚେକ୍&zwnj; ଦେବାକୁ ପୂରା ଦମ୍&zwnj; ଲଗାଇ ଦେଇଛି ବିଜେଡି।</p> <p>ଇଂରାଜୀ ପତ୍ରିକା &lsquo;ଆଉଟ୍&zwnj; ଲୁକ&rsquo;ରେ ନବୀନ &lsquo;ଶ୍ରେଷ୍ଠ ପ୍ରଶାସକ&rsquo; ପୁରସ୍କାର ପାଇବା ପରେ ଏହାକୁ ଅସ୍ତ୍ର କରିଛି ବିଜେଡି। ଏହି ପୁରସ୍କାରକୁ ମାଧ୍ୟମ କରି ରାଜନୈତିକ ପରିବେଶ ଜମେଇକି ରଖଇବାକୁ ଓ ରାଜ୍ୟବାସୀଙ୍କ ମନ ଜିଣିବାକୁ ଯୋଜନା ଆରମ୍ଭ କରିଦେଇଛି। ପଞ୍ଚାୟତ ନିର୍ବାଚନ ଝଟକା ପରେ ବିଜେଡି କର୍ମୀ ଓ ନେତାଙ୍କୁ ଉତ୍ସାହିତ କରିବା ପାଇଁ&nbsp; ବିଜେଡି ଏଭଳି ରଣନୀତିରେ ଆଗକୁ ବଢୁଥିବା ଦେଖିବାକୁ ମିଳୁଛି।</p> <p>ଦିଲ୍ଲରରେ ଆଉଟଲୁକ୍&zwnj; ପତ୍ରିକା ଦ୍ୱାରା ଏକ ସ୍ୱତନ୍ତ୍ର ଉତ୍ସବରେ ପୁରସ୍କୃତ ହୋଇ ନବୀନ ଗତକାଲି ଓଡ଼ିଶା ଫେରିଛନ୍ତି। ଗତକାଲିଠାରୁ ନବୀନଙ୍କୁ ଦିଆଯାଉଛି ଭବ୍ୟ ସମ୍ବର୍ଦ୍ଧନା। ଏଥିରୁ ବାଦ ପଡିନାହାନ୍ତି ପ୍ରଶାସନିକ ଅଧିକାରୀ। ଗତକାଲି ବିମାନ ବନ୍ଦରରୁ ନବୀନ ନିବାସ ପର୍ଯ୍ୟନ୍ତ ରାସ୍ତା ପାର୍ଶ୍ୱରେ ହଜାର ହଜାର ନେତା, କର୍ମୀ, ମନ୍ତ୍ରୀ, ବିଧାୟକ&nbsp; ଓ ସାଂସଦ ଛିଡାହୋଇ ମୁଖ୍ୟମନ୍ତ୍ରୀଙ୍କୁ ସ୍ୱାଗତ ଜଣାଇଥିଲେ। ଆଜି ସଚିବାଳୟରେ ଦିଆଯାଇଛି ବିପୁଳ ସ୍ୱାଗତ ସମ୍ବର୍ଦ୍ଧନା। ମନ୍ତ୍ରୀ ପରିଷଦ ବୈଠକରେ ବି ମନ୍ତ୍ରୀମାନେ ମୁଖ୍ୟମନ୍ତ୍ରୀକୁ ବଧେଇ ଜଣାଇଛନ୍ତି।</p> <p>ତେବେ ଏକ ଇଂରାଜୀ ପତ୍ରିକାର ଆୱାର୍ଡ ପାଇଁ ଏତେ ବ୍ୟାପକ ଆୟୋଜନକୁ ନେଇ ଚର୍ଚ୍ଚା ଲାଗି ରହିଛି। ଏହା ପଛରେ କ&rsquo;ଣ ରହିଛି ରଣନୀତି ? କର୍ମୀଙ୍କୁ ଉତ୍ସାହିତ ରଖିବା, ସଙ୍ଗଠନକୁ ସୃଦୃଢ ତଥା କ୍ରିୟାଶୀଳ କରିବା ଓ ଆଗୁଆ ନିର୍ବାଚନ ପାଇଁ ପ୍ରସ୍ତୁତ ହେବା ପାଇଁ ଏଭଳି କାର୍ଯ୍ୟକ୍ରମ ବିଜେଡି ହାତକୁ ନେଇଛି ବୋଲି କୁହାଯାଉଛି। କାରଣ ରାଜନୈତିକ ସ୍ତରରେ ବିଜେଡି &lsquo;ଆମ ଗାଁ ଆମ ବିକାଶ, ଆମ ସହର ଆମ ଉନ୍ନତି&rsquo; କାର୍ଯ୍ୟକ୍ରମ ମାଧ୍ୟମରେ ଲୋକଙ୍କ ପାଖରେ ପହଞ୍ଚିବାକୁ ବ୍ୟାପକ ଆୟୋଜନ କରୁଛି। ମୁଖ୍ୟମନ୍ତ୍ରୀ ମଧ୍ୟ ଗାଁ ଲୋକଙ୍କ ପାଖକୁ ଯିବେ। ସେପଟେ ପ୍ରଶାସନିକ ସ୍ତରରେ ଘନଘନ କ୍ୟାବିନେଟ୍ ବୈଠକ ବସୁଛି। ଚର୍ଚ୍ଚାରେ ରହିବା ପାଇଁ ସରକାର ଓ ଦଳ, ଏଭଳି କାର୍ଯ୍ୟକ୍ରମ କରୁଛି ବୋଲି ପାୱାର କରିଡରରେ ଆଲୋଚନା ହେଉଛି।</p> <p>କୃଷିମନ୍ତ୍ରୀ ଦାମୋଦର ରାଉତ କହିଛନ୍ତି- &ldquo;କେନ୍ଦ୍ରରେ ଏକ ସରକାର ଅଛି। ସେ କେତେବେଳେ କ&rsquo;ଣ କରିବେ ହିସାବ କରି ହେଉନାହିଁ। ଆଗୁଆ ନିର୍ବାଚନ ହେଲେ ଯେଉଁଠି ଅଣ ବିଜେପି ସରକାର ଅଛି ସେମାନେ କ&rsquo;ଣ ପ୍ରସ୍ତୁତ ହେବେ ନାହିଁ ? ଲୋକସମ୍ପର୍କ ବଢାଇବାକୁ ଆମେ ବିଭିନ୍ନ ସାଂଗଠନିକ କାର୍ଯ୍ୟ ହାତକୁ ନେଉଛୁ, ଏଥିରେ କିଛି ଅସୁବିଧା ନାହିଁ।&rdquo;</p> <p>ଅନ୍ୟପକ୍ଷରେ ବିଜେଡିର &lsquo;ନବୀନ ବ୍ରାଣ୍ଡ&rsquo;କୁ ଟକ୍କର ଦେବାକୁ ବିଜେପି &lsquo;ମୋଦି ବ୍ରାଣ୍ଡ&rsquo;କୁ ଆୟୁଧ କରିଛି।&nbsp; ବିଜେପି ମଧ୍ୟ ସବୁବେଳେ ଓଡିଶାରେ ପରିବେଶ ସରଗରମ କରି ରଖିଛି। ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହାଙ୍କ ବାରମ୍ବାର ଗସ୍ତ ହେଉ କି ଘନଘନ କେନ୍ଦ୍ରମନ୍ତ୍ରୀଙ୍କ ଗସ୍ତ, ଓଡିଶା ରାଜନୀତିରେ ହଲଚଲ୍ ସୃଷ୍ଟି କରୁଛନ୍ତି। ଏପରିକି ଆସନ୍ତାକାଲି (୨୨ ତାରିଖ) ହେବାକୁ ଥିବା ବିଜେପିର ରାଜ୍ୟ କାର୍ଯ୍ୟକାରିଣୀରେ ପ୍ରକାଶ ଜାଭେଦକରଙ୍କ ସମେତ ୪ କେନ୍ଦ୍ରମନ୍ତ୍ରୀ ଯୋଗ ଦେଉଛନ୍ତି। ରାଜ୍ୟ ସରକାରଙ୍କ ବିଫଳତାକୁ ନେଇ ଦଳ ସବୁଦିନ ଏକାଧିକ ସାମ୍ବାଦିକ ସମ୍ମିଳନୀ ସହ ବିଭିନ୍ନ କାର୍ଯ୍ୟକ୍ରମ ନେଇ ସାମ୍ନାକୁ ଆସୁଛି।</p> <p>କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି- &ldquo;ଲୋକେ ମନ ସ୍ଥିର କରି ସାରିଛନ୍ତି ଭାରତୀୟ ଜନତା ପାର୍ଟି ସହ ଓ ନରେନ୍ଦ୍ର ମୋଦିଙ୍କ ସହ ଛିଡା ହେବାକୁ। ଏହି ସମର୍ଥନକୁ ଭୋଟ୍&zwnj;ରେ ପରିଣତ କରିବାକୁ ଏକ ଢାଞ୍ଚା ଦରକାର। ବିକଳ୍ପ ରାଜନୀତିର ବାର୍ତ୍ତା ଦେବାକୁ ଆମେ ଲାଗିଛୁ।&rdquo;</p>