ଭୁବନେଶ୍ୱର: ଆଜି ହେଉଛି ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଶ୍ରାଦ୍ଧବାର୍ଷିକୀ। ଏହାକୁ ପୁରପଲ୍ଲୀରେ ଜୋରଦାରରେ ପାଳିତ କରାଯାଉଛି। ଆଜି ସକାଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଧାନସଭା ପରିସରରେ ଥିବା ବିଜୁବାବୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ।
ମାଲ୍ୟାର୍ପଣ ପରେ ନବୀନ କହିଛନ୍ତି,“ଆମେ ବିଜୁବାବୁଙ୍କ ତ୍ୟାଗ ଓ ବଳିଦାନକୁ ମନେ ପକାଇବା ଉଚିତ।”
ବିଜୁ ପଟ୍ଟନାୟକ ପର୍କରେ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ପରେ ଭୁବନେଶ୍ୱର ସାଙ୍ଗଠନିକ ଜିଲ୍ଲା ଅନ୍ତର୍ଗତ ବିଭିନ୍ନ ନିର୍ବାଚନମଣ୍ଡଳୀରୁ ଶୋଭାଯାତ୍ରା ବାହାରି ବିଜେଡି ମୁଖ୍ୟାଳୟକୁ ଆସିବ। ପରେ ସେଠାରୁ ଶୋଭାଯାତ୍ରା ପୁରୀ ସ୍ୱର୍ଗଦ୍ୱାର ଅଭିମୁଖେ ଯିବ। ଅପରାହ୍ନରେ ପୁରୀରୁ ଶୋଭାଯାତ୍ରା ଭୁବନେଶ୍ୱର ବିଜେଡି କାର୍ଯ୍ୟାଳୟକୁ ଫେରିବାର କାର୍ଯ୍ୟକ୍ରମ ରହିଛି।