ନାବାଳିକା ଗଣବଳାତ୍କାର ମାମଲାକୁ ଗୋଳିଆ କଲେ ବିଷ୍ଣୁ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): କୋରାପୁଟ ଜିଲ୍ଲା କୁନ୍ଦୁଲି ନାବାଳିକା ଗଣବଳାତ୍କାର ମାମଲା ଦିନକୁ ଦିନ ଜଟିଳ ହେବାରେ ଲାଗିଛି। ଆଜି ଏହି ମାମଲାକୁ ଅହୁରି ଗୋଳିଆ କରିଛନ୍ତି ବିଜେଡି ନେତା ବିଷ୍ଣୁ ଦାସ। ଏସ୍&zwnj;ଓଜିଙ୍କ ସମ୍ପୃକ୍ତି ନେଇ ଆଜି ବିଷ୍ଣୁଙ୍କ ମନ୍ତବ୍ୟ ପରେ ମୁଖ୍ୟମନ୍ତ୍ରୀଙ୍କୁ ସିଧାସଳଖ ଆକ୍ରମଣ କରିଛି ବିଜେପି। ଏକ ପ୍ରେସମିଟ୍&zwnj;ରେ ବିଜେପି କହିଛି, କୁନ୍ଦୁଲି ଗଣବଳାତ୍କାରୀ କେବେ ଗିରଫ ହେବେ ମୁଖ୍ୟମନ୍ତ୍ରୀ ସ୍ପଷ୍ଟ କରନ୍ତୁ?</p> <p>ଆଜି ଭୁବନେଶ୍ୱରରେ ଆୟୋଜିତ ଏକ ସାମ୍ୱାଦିକ ସମ୍ମିଳନୀରେ ବିଜେଡି ଦଳିତ ମୋର୍ଚ୍ଚା ସଭାପତି ବିଷ୍ଣୁ ଦାସ ଏହି ମାମଲାରେ ରାଜ୍ୟ ସରକାରଙ୍କ ଏସ୍&zwnj;ଓଜି ବାହିନୀ ପ୍ରତି ଅଙ୍ଗୁଳି ନିର୍ଦ୍ଦେଶ କରିଛନ୍ତି। କ୍ରାଇମବ୍ରାଞ୍ଚ ଏଡିଜି ତଦନ୍ତ କଲେ ଘଟଣା ଉପରୁ ପରଦା ହଟିପାରିବ ବୋଲି ବିଷ୍ଣୁ କହିଛନ୍ତି।</p> <p>ବିଷ୍ଣୁଙ୍କ ମନ୍ତବ୍ୟ ପରେ ବିଜେପି ସିଧାସଳଖ ନବୀନ ପଟ୍ଟନାୟକଙ୍କୁ ଟାର୍ଗେଟ କରିଛି। ଏହାସହ ପୋଲିସର ତଦନ୍ତକୁ ନେଇ ମଧ୍ୟ ପ୍ରଶ୍ନ ଉଠାଇଛି। ବିଜେପି ଦଳିତ ମୋର୍ଚ୍ଚା ପ୍ରଭାରୀ ଦିଲୀପ ମଲ୍ଲିକ ଏକ ସାମ୍ୱାଦିକ ସମ୍ମିଳନୀରେ କହିଛନ୍ତି-&ldquo;ଏହି ଘଟଣାରେ ପୋଲିସ କିମ୍ୱା ମାଓବାଦୀଙ୍କ ହାତ ନଥିବା ପୂର୍ବରୁ ଡିଜିପି କହିଥିବା ବେଳେ ଏବେ ବିଷ୍ଣୁ ଏସ୍&zwnj;ଓଜିଙ୍କ ସମ୍ପୃକ୍ତି ଥିବା କହିଛନ୍ତି। ଏହା ସ୍ପଷ୍ଟ କରୁଛି ଏହି ଘଟଣାରେ ଏସ୍&zwnj;ଓଜିଙ୍କ ସମ୍ପୃକ୍ତି ରହିଛି। ଏବେ ମୁଖ୍ୟମନ୍ତ୍ରୀ ସ୍ପଷ୍ଟ କରନ୍ତୁ ଅଭିଯୁକ୍ତ କେବେ ଧରାଯିବ।&rdquo;</p>